തിരുവനന്തപുരം: സംസ്ഥാന ബജറ്റില് സാധാരണക്കാര്ക്ക് ആശങ്കയുണ്ടാകുന്ന പ്രഖ്യാപനങ്ങളുണ്ടാകില്ലെന്ന് ധനമന്ത്രി കെ എന് ബാലഗോപാല്. കേരളം നിലവില് നേരിടുന്ന സാമ്പത്തിക പ്രതിസന്ധി പരിഹരിക്കാനുളള നിര്ദേശങ്ങള് അടങ്ങുന്ന ബജറ്റാകും അവതരിപ്പിക്കുകയെന്നും കേരളത്തിലെ സാമ്പത്തിക പ്രതിസന്ധിക്ക് കാരണം കേന്ദ്രസര്ക്കാരിന്റെ നിലപാടുകളാണെന്നും കെ എന് ബാലഗോപാല് പറഞ്ഞു. പ്രിന്റിംഗ് പ്രസില് നിന്ന് ബജറ്റിന്റെ ഹാര്ഡ് കോപ്പി ഏറ്റുവാങ്ങിയതിനുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'കേരളത്തിന് നല്ല ഗുണമുണ്ടാകുന്ന, സാമ്പത്തിക വികസനം ഉണ്ടാക്കുന്ന, നിലവില് നേരിടുന്ന പ്രശ്നങ്ങള് മറികടന്ന് കൂടുതല് തൊഴിലവസരങ്ങള് സൃഷ്ടിക്കപ്പെടുന്ന ബജറ്റാകും. കേരളത്തിന്റെ സാമ്പത്തിക ബുദ്ധിമുട്ട് സ്വാഭാവികമായി ഉണ്ടായതല്ല. കേന്ദ്രത്തിന്റെ നിലപാട് കാരണം വന്നതാണ്. മറ്റ് സംസ്ഥാനങ്ങളും ഇക്കാര്യം വ്യക്തമാക്കിയതാണ്. ബജറ്റ് തയ്യാറാക്കുമ്പോള് സമ്മര്ദ്ദമുണ്ടാക്കും. എല്ലാംകൂടി കൂട്ടിയോജിപ്പിക്കേണ്ടതല്ലേ. ജനങ്ങള് അംഗീകരിക്കുന്ന ബജറ്റാകും. സാധാരണക്കാര്ക്ക് ആശങ്ക വേണ്ട'- കെ എന് ബാലഗോപാല് പറഞ്ഞു.