കൊവിഡ് പ്രതിരോധ പ്രവർത്തനങ്ങളിൽ കേന്ദ്രസർക്കാറിനെതിരെ കോൺഗ്രസിന്റെ ശ്രദ്ധ ക്ഷണിക്കൽ പ്രചരണം. സ്പീക്ക് അപ്പ് ഇന്ത്യ ക്യാമ്പയിൻ എന്ന പേരിലാണ് പ്രചരണ പരിപാടികൾ സംഘടിപ്പിക്കുക. കുടിയേറ്റ തൊഴിലാളികൾ ചെറുകിട സംരഭകർ എന്നിവരുടെ ദുരിതങ്ങൾ സാമൂഹ്യ മാധ്യമങ്ങളിലൂടെ കേന്ദ്ര സർക്കാറിനെ അറിയിച്ചായിരിക്കും ക്യാമ്പയിൻ. കൊവിഡ് പ്രതിരോധ പ്രവർത്തനങ്ങളിൽ കേന്ദ്ര സർക്കാറിന്റെ വീഴ്ചകൾ തുറന്ന് കാട്ടുന്ന പ്രചരണം പുതിയ ഘട്ടത്തിലേക്ക് പ്രവേശിക്കുന്ന സാഹചര്യത്തിലാണ് സ്പീക് അപ് ഇന്ത്യ ക്യാമ്പയിന് കോൺഗ്രസ് രൂപം നൽകിയത്.
ഓൺലൈൻ മാധ്യമങ്ങളിലൂടെയായിരിക്കും സ്പീക്ക് അപ് ഇന്ത്യ ക്യാമ്പയിൻ നടത്തുക. 200 ദിവസത്തെ തൊഴിലുറപ്പ് ദിനങ്ങൾ സൃഷ്ടിക്കുക, ദുരിതം അനുഭവിക്കുന്നവർക്ക് 10000 രൂപ നേരിട്ട് നൽകുക, കുടിയേറ്റ തൊഴിലാളികളെ സൗജന്യമായി നാടുകളിൽ എത്തിക്കുക എന്നീ ആവശ്യങ്ങൾ ഉന്നയിച്ചുകൊണ്ടാകും സ്പീക് അപ് ഇന്ത്യ ക്യമ്പയിൻ സംഘടിപ്പിക്കു. ദേശീയ നേതാക്കൾ തൊട്ട് പ്രാദേശക നേതാക്കൾ വരെ ക്യാമ്പയിന്റെ ഭാഗമാകും.