തോട്ടപ്പള്ളിയിൽ നിന്ന് കരിമണൽ കൊണ്ടുപോകുന്നത് നിർത്തിവെക്കാൻ കെഎംഎംലിനോട് ഹൈക്കോടതിയുടെ നിർദ്ദേശം. പുറക്കാട് പഞ്ചായത്തിന്റെ സ്റ്റോപ്പ് മെമ്മോ അംഗീരിച്ച് കരിമണൽ എടുപ്പ് നിർത്തിവെക്കാനാണ് നിർദ്ദേശം നൽകിയത്. തോട്ടപ്പള്ളിയിലെ പൊഴിമുറിക്കുമ്പോൾ ലഭിക്കുന്ന കരിമണൽ പ്രദേശത്ത് നിന്നും കൊണ്ടപോകരുതെന്ന് കാണിച്ചാണ് പഞ്ചായത്ത് കെഎംഎംഎല്ലിന് സ്റ്റോപ്പ് മെമ്മോ നൽകിയിരുന്നത്. ഈ വിലക്ക് ലംഘിച്ച് മണൽ കെഎംഎംൽ പ്രദേശത്ത് നിന്ന് കൊണ്ടു പോയിരുന്നു. ഇതിനെതിരെ കരിമണൽ ഖനന വിരുദ്ധ സമര സമിതിയാണ് ഹൈക്കോടതിയെ സമീപിച്ചത്. കേസ് അടുത്ത ചൊവ്വാഴ്ച വീണ്ടും പരിഗണിക്കും. അതുവരെ മണൽ കൊണ്ടു പോകരുതെന്നാണ് കോടതിയുടെ നിർദ്ദേശം.
കരിമണൽ കൊണ്ടുപോകുന്നത് നിർത്തിവെക്കാൻ കെഎംഎംലിനോട് ഹൈക്കോടതിയുടെ നിർദ്ദേശം
Contact the author
Web Desk
