കള്ളപ്പണം വെളുപ്പിച്ചെന്ന കേസില് മുൻ മന്ത്രി ഇബ്രാഹിം കുഞ്ഞിനെതിരെ വിജിലന്സും എന്ഫോഴ്സ്മെന്റും നടത്തുന്ന അന്വേഷണങ്ങള് തുടരാമെന്ന് ഹൈക്കോടതി. അന്വേഷണത്തിന്റെ ഭാഗമായി എന്ഫോഴ്സ്മെന്റ് ആവശ്യപ്പെടുന്ന വിവരങ്ങള് വിജിലന്സ് കൈമാറണമെന്നും കോടതി നിര്ദേശിച്ചു.
നോട്ടു നിരോധന സമയത്ത് വി.കെ. ഇബ്രാഹിം കുഞ്ഞിന്റെ ചുമതലയിലുള്ള ചന്ദ്രിക പത്രത്തിന്റെ അക്കൗണ്ടിലൂടെ 10 കോടി രൂപയുടെ കള്ളപ്പണം വെളുപ്പിച്ചു എന്നാരോപിച്ച് കളമശേരി സ്വദേശി ജി. ഗിരീഷ്ബാബുവാണ് കോടതിയെ സമീപിച്ചത്.
ഹൈക്കോടതി നിര്ദേശപ്രകാരമാണ് എന്ഫോഴ്സ്മെന്റ് ഡയറക്ടേറ്റ് അന്വേഷണം ആരംഭിച്ചത്. കേസ് ഹൈക്കോടതിയുടെ പരിഗണനയിലിരിക്കേ തന്നെ സ്വാധീനിക്കാന് ഇബ്രാഹിം കുഞ്ഞ് ശ്രമിച്ചെന്നും ഹര്ജിക്കാരന് ഹൈക്കോടതിയെ അറിയിച്ചിരുന്നു.