ഝാർഖണ്ഡ് മുൻ മുഖ്യമന്ത്രി ഷിബു സോറന് കൊവിഡ്. ഇദ്ദേഹത്തിന്റെ ഭാര്യക്കും കൊവിഡ് സ്ഥിരീകരിച്ചിട്ടുണ്ട്. സ്രവ പരിശോധനാഫലം ഇന്ന് വൈകീട്ടാണ് ലഭിച്ചത്. കഴിഞ്ഞ ദിവസമാണ് ഇരുവരുടെ സാമ്പിളുകൾ പരിശോധനക്ക് അയച്ചത്. സോറന്റെ വീട്ടിലെ 7 ജീവനക്കാർക്ക് നേരത്തെ കൊവിഡ് ബാധിച്ചിരുന്നു. 30 ഓളം ജീവനക്കാർക്കാണ് സ്രവ പരിശോധന നടത്തിയത്.
ഇരുവരുടെയും ആരോഗ്യ നില തൃ്പതികരമാണ്. രണ്ട് പേർക്കും പ്രകടമായ രോഗ ലക്ഷണങ്ങൾ ഇല്ല. വീട്ടിൽ തുടരാനാണ് ഇരുവരോടും ആവശ്യപ്പെട്ടിരിക്കുന്നത്. രോഗം തീവ്രമായാൽ ആശുപത്രിയിലേക്ക് മാറ്റാനാണ് തീരുമാനം. സോറനെയും ഭാര്യയെയം ഡോക്ടർമാർ പരിശോധിച്ചു.
ഷിബു സോറന്റെ മകനും മുഖ്യമന്ത്രിയുമായ ഹേമന്ദ് സോറൻ ഉടൻ കൊവിഡ് പരിശോധനക്ക് വിധേയനാകും. രണ്ട് തവണ ഇതിരന് മുമ്പ് ഹേമന്ദ് കൊവിഡ് പരിശോധന നടത്തിയിരുന്നു.