പാല:കെഎം മാണിയെ ചതിച്ചവർക്ക് തദ്ദേശ തെരഞ്ഞെടുപ്പിൽ ജനം തിരിച്ചടി നൽകുമെന്ന് കേരളാ കോൺഗ്രസ് മാണി വിഭാഗം ചെയർമാൻ ജോസ് കെ മാണി. തദ്ദേശ തെരഞ്ഞെടുപ്പിൽ ഇടതുമുന്നണി വലയി വിജയം നേടുമെന്നതിൽ സംശയമില്ലെന്നും അദ്ദേഹം പറഞ്ഞു. പാലയിൽ വോട്ട് ചെയ്തതിന് ശേഷം മാധ്യമങ്ങളോട് സംസാരിക്കുകയായിരുന്നു ജോസ്.
കെഎം മാണിയുടെ മരണത്തിന് ശേഷം നടക്കുന്ന ആദ്യ തദ്ദേശ തെരഞ്ഞെടുപ്പാണ്, കെഎം മാണിയെ സ്നേഹിക്കുന്ന എല്ലാവരും രണ്ടിലക്ക് പിന്തുണ നൽകുമെന്നും ജോസ് പറഞ്ഞു. ഇടതുമുന്നണി ചരിത്ര വിജയം നേടുമെന്നാണ് താൻ ബന്ധപ്പെട്ട എല്ലായിടങ്ങളിൽ നിന്നും സൂചന ലഭിച്ചത്. പാലാ മുൻസിപ്പാലിറ്റിയിൽ മികച്ച പോളിംഗാണ് നടക്കുന്നത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ഇടതുമുന്നണി സർക്കാർ ചെയ്ത വികസനം തെരഞ്ഞെടുപ്പിൽ ചർച്ചയാകും. മുൻ സർക്കാറുകളായും മറ്റ് സംസ്ഥാനങ്ങളിലെ സർക്കറുകളുമായും താരതമ്യപ്പെടത്തുമ്പോൾ വികസനത്തിൽ ഈ സർക്കാർ റിക്കാർഡ് സൃഷ്ടിച്ചിരിക്കുകയാണ്. സർക്കാറിന്റെ എല്ലാ പദ്ധതികൾക്കും വലിയ സ്വീകര്യതയാണ് ലഭിക്കുന്നത്. കൊവിഡ് കാലത്ത് ജനങ്ങൾക്ക് കൈത്താങ്ങായി സർക്കാർ പ്രവർത്തിച്ചു.