യുഡിഎഫിൽ നിന്ന് കേരളാ കോൺഗ്രസ് എമ്മിനെ പുറത്താക്കിയത് അനീതിയാണെന്ന് ജനങ്ങൾ വിലയിരുത്തിയെന്ന് ജോസ് കെ മാണി. ഇടതുമുന്നണിയുടെ ഭാഗമാകാനാനുള്ള കേരളാ കോണ്ഗ്രസ്സ് എമ്മിന്റെ ന്റെ രാഷ്ട്രീയ തീരുമാനത്തിന് ജനങ്ങള് മാന്ഡേറ്റ് നൽകിയെന്ന് ജോസ് അഭിപ്രായപ്പെട്ടു. ഇടതുമുന്നണിയുടെ ചരിത്ര മുന്നറ്റത്തില് കേരളാ കോണ്ഗ്രസ്സ് എം നിര്ണ്ണമായമായ പങ്ക് വഹിച്ചെന്നും ജോസ് അഭിപ്രായപ്പെട്ടു. പാർട്ടിക്ക് കൂടെ നിന്നവർക്ക് ജോസ് നന്ദി പറഞ്ഞു.
തദ്ദേശതെരെഞ്ഞെടുപ്പില് എല്.ഡി.എഫിന് ചരിത്രമുന്നേറ്റമാണ് ഉണ്ടായത്. കോട്ടയം ജില്ലയില് സമ്പൂര്ണ്ണമായ തകര്ച്ചയാണ് യു.ഡി.എഫിനുണ്ടായത്. 2015 ല് 49 ഗ്രാമപഞ്ചായത്തുകള് യു.ഡി.എഫിനായിരുന്നു എങ്കില് ഇത്തവണ 51 ഗ്രാമപഞ്ചായത്തുകള് ഇടതുമുന്നണി കരസ്ഥമാക്കതി. 11 ബ്ലോക്ക് പഞ്ചായത്തുകളില് 10 എണ്ണവും കഴിഞ്ഞ തവണ യു.ഡി.എഫ് കരസ്ഥമാക്കിയപ്പോള് ഇത്തവണ 11 ല് 10 ഉം ഇടതുമുന്നണി നേടി എന്നത് ജില്ലയിലുണ്ടായ വലിയ രാഷ്ട്രീയ മാറ്റത്തെയാണ് സൂചിപ്പിക്കുന്നത്. നിരവധി ഘടകങ്ങള് സ്വാധീനിക്കുന്ന തദ്ദേശതെരെഞ്ഞെടുപ്പില് രാഷ്ട്രീയ ദിശാസൂചകമായി വിലയിരുത്തപ്പെടുന്ന ജില്ലാ പഞ്ചായത്തില് അട്ടിമറി വിജയമാണ് ഇടതുമുന്നണി നേടിയത്- ജോസ് കെ മാണി പറഞ്ഞു.