കൊവിഡ് പരിശോധനയായ ആർടിപിസിആറിന്റെ നിരക്ക് വർദ്ധിപ്പിച്ചു. ആർടിപിസിആർ പരിശോധനക്ക് 200 രൂപയാണ് കൂട്ടിയത്. നിലവിൽ 1500 രൂപയാണ് പരിശോധന നിരക്ക്. ഹൈക്കോടതി ഉത്തരവിനെ തുടർന്നാണ് നിരക്ക് വർദ്ധിപ്പിച്ചത്.
ജനുവരി 1 നാണ് കൊവിഡ് പരിശോധനാ നിരക്കുകൾ കുറച്ചത്. 2100 രൂപയായിരുന്ന ആർടിപിസിആർ പരിശോധനാ നിരക്ക് 1500 രൂപയാക്കുകയായിരുന്നു. ഇതിനെതിരെ സ്വകാര്യ ആശുപത്രികളും ലാബുകളും ഹൈക്കോടതിയെ സമീപിക്കുകയായിരുന്നു.
അതേസമയം ആന്റിജൻ പരിശോധനാ നിരക്കിൽ മാറ്റമില്ല. 300 രൂപയാണ് നിലവിൽ പരിശോധനാ നിരക്ക്. എക്സ്പേർട്ട് നാറ്റ് ടെസ്റ്റിന് 2500 രൂപയാണ് നൽകേണ്ടത്. 3000 രൂപയുണ്ടായിരുന്ന എക്സ്പേർട്ട് നാറ്റ് ടെസ്റ്റ് 2500 രൂപയാക്കുകയായിരുന്നു. ട്രൂനാറ്റ് ടെസ്റ്റിന് 1500 രൂപയാണ്. ആർടി ലാബ് ടെസ്റ്റിന് 1150 രൂപയാണ്. സംസ്ഥാനങ്ങളിലേക്കാൾ പരിശോധനാ നിരക്ക് കേരളത്തിൽ കൂടുതലാണെന്ന് ആക്ഷേപമുണ്ടായിരുന്നു. തുടർന്നാണ് നിരക്കുകൾ ജനുവരി 1 ന് കുറച്ചത്.
