തിരുവനന്തപുരം: സംസ്ഥാനത്ത് സമ്പൂര്‍ണ്ണ ലോക്ക് ഡൌണ്‍ വേണ്ടെന്ന് തലസ്ഥാനത്ത് മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന സര്‍വ്വകക്ഷി യോഗം തീരുമാനിച്ചു. സമ്പൂര്‍ണ്ണ ലോക്ക് ഡൌണ്‍ സംസ്ഥാനത്തിന്റെ സമ്പദ്ഘടനയേയും ജനജീവിതത്തെയും പ്രതികൂലമായി ബാധിക്കും എന്നതിനാലാണ് യോഗം ഈ തീരുമാനം കൈക്കൊണ്ടത്. എന്നാല്‍ കൊവിഡ് കടുത്ത വ്യാപനത്തിലേക്ക് പോകുന്ന സാഹചര്യം സംജാതമാകുന്ന പക്ഷം മറിച്ചൊരു തീരുമാനമെടുക്കാനും യോഗം തീരുമാതീരുമാനിച്ചു. അതേസമയം വാരാന്ത്യത്തില്‍ കഴിഞ്ഞ ശനി ഞായര്‍ ദിനങ്ങളില്‍ നടപ്പിലാക്കിയതിന് സമാനമായ രീതിയില്‍ അര്‍ദ്ധ ലോക്ക് ഡൌണ്‍ തുടരാനും സര്‍വ്വകക്ഷി യോഗം.
കൊവിഡ് വ്യാപനം അതിരൂക്ഷമായ ഇടങ്ങളില്‍ ജില്ലാ ഭരണകൂടത്തിനോ, താലൂക്ക്, പഞ്ചായത്ത് അധികൃതര്‍ക്ക് യുക്തമായ തീരുമാനം എടുക്കാനുള്ള അധികാരം നല്‍കും. രാത്രി 10 മുതല്‍ രാവിലെ 5 വെരെയുള്ള കര്‍ഫ്യൂ തുടരാന്‍ തീരുമാനിച്ച യോഗം കടകളുടെ 7.30 ആക്കി സ്ഥിരപ്പെടുത്തി. തെരഞ്ഞെടുപ്പ് ഫലപ്രഖ്യാപന ദിനമായ മെയ് 2 ന് ആഹ്ളാദ പ്രകടനങ്ങളും ആഘോഷങ്ങളും ഒഴിവാക്കുന്ന കാര്യത്തില്‍ എല്ലാ പാര്‍ട്ടികളും അഭിപ്രായ ഐക്യം പ്രകടിപ്പിച്ചു.
