തിരുവനന്തപുരം: കെപിസിസി പ്രസിഡന്റ് കെ.സുധാകരന്റെ വിഷയത്തില് ഇനി പ്രതികരിക്കാനില്ലെന്ന് മുഖ്യമന്ത്രി പിണറായി വിജയന്. ചില കാര്യങ്ങളെക്കുറിച്ച് ജനങ്ങളെ ബോധ്യപ്പെടുത്തേണ്ട സന്ദര്ഭത്തിലാണ് പരസ്യമായ പ്രതികരണത്തിന് തയ്യാറായത്. ഇനി അതിന്റെ ആവശ്യമില്ലെന്നുമാണ് മുഖ്യമന്ത്രി വ്യക്തമാക്കിയത്. എന്നാല് കെ. സുധാകരന്റെ രാഷ്ട്രീയ ജീവിതം ചര്ച്ചയാക്കാനുള്ള തീരുമാനത്തിലാണ് സിപിഎം.
കഴിഞ്ഞ ദിവസം കെ. സുധാകരന് നല്കിയ അഭിമുഖത്തില് ബ്രണ്ണന് കോളേജില് വെച്ച് പിണറായി വിജയനെ ചവിട്ടി വീഴ്ത്തിയെന്ന് പറഞ്ഞിരുന്നു. ഇതിന് പിന്നാലെയാണ് മുഖ്യമന്ത്രിയുടെ പരസ്യ പ്രതികരണമുണ്ടായത്. എന്നാല് മുഖ്യമന്ത്രിയുടെ വാര്ത്താ സമ്മേളനത്തിനെതിരെ സുധാകരന് ഇന്നലെ വിമര്ശനം ഉന്നയിച്ചിരുന്നു. അതോടൊപ്പം അഭിമുഖത്തില് ഓഫ് ദ റെക്കോര്ഡ് പറഞ്ഞ കാര്യങ്ങളാണ് മാധ്യമം പ്രസിദ്ധീകരിച്ചത്. മുഖ്യമന്ത്രിയുടെ സ്ഥാനത്തെ ബഹുമാനിക്കുന്നു. എങ്കിലും കഴിഞ്ഞ ദിവസം മുഖ്യമന്ത്രിയുടെ ഭാഗത്ത് നിന്ന് സംസ്കാര ഹീനയമായ പ്രതികരണമാണ് ഉണ്ടായത്. ഇത് അംഗീകരിക്കാന് സാധിക്കില്ലയെന്നും സുധാകരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അഭിമുഖത്തില് വന്ന എല്ലാ കാര്യങ്ങളും ഞാന് പറഞ്ഞതല്ല. അദ്ദേഹത്തെ ചവിട്ടിയെന്ന് ഞാന് അഭിമുഖത്തിനിടെ പറഞ്ഞിട്ടില്ല. പ്രസിദ്ധീകരിക്കില്ലെന്ന് ലേഖകന് പറഞ്ഞതു കൊണ്ടാണ് സ്വകാര്യമായി കുറച്ച് കാര്യങ്ങള് പറഞ്ഞത്. സംഭവത്തിന്റെ വിശദീകരണം പേഴ്സണലായി നല്കിയിട്ടുണ്ട്. വ്യക്തിപരമായി പറഞ്ഞ കാര്യങ്ങള് അഭിമുഖത്തില് ചേര്ത്തതിന്റെ കുറ്റം എനിക്കല്ല. അത് മാധ്യമപ്രവര്ത്തനത്തിന് അപമാനമാണ്. പിണറായി വിജയനെ ചവിട്ടി താന് വലിയ അഭ്യാസിയാണെന്ന് കേരളത്തെ അറിയിക്കാനുള്ള താത്പര്യം എനിക്കില്ലന്നും സുധാകരന് കൂട്ടിച്ചേര്ത്തു.