കോവിഡ്19 ബാധിച്ച് യുഎഇയില്‍ രണ്ട് പേർ കൂടി മരിച്ചു. കോവിഡ്19 ദുബായിൽ ബാധിച്ച് രണ്ട് പേർ കൂടി മരിച്ചു. രോഗം മൂലം ഗൾഫ് മേഖലയിൽ മരിച്ചവരുടെ എണ്ണം 3 ആയി. യൂറോപ്പിൽ സന്ദർശനം നടത്തിയ 78 കാരനാണ് മരിച്ച ഒരാൾ. മരിച്ച രണ്ടാമത്തെയാൾ വിദേശിയാണ്. ഇവരുടെ പേര് വിവരങ്ങൾ പുറത്തുവിട്ടിട്ടില്ല. മരണ വിവരം യു എ ഇ ആരോഗ്യ മന്ത്രാലയമാണ് പുറത്തുവിട്ടത്. മരിച്ചവർക്ക് മറ്റ് രോഗങ്ങളാൽ അവശത അനുഭവിക്കുന്നവരാണ്.
കോവിഡ്19 മൂലം ബഹ്റിനിലാണ് ആദ്യമരണം റിപ്പോർട്ട ചെയ്തത്. ഇറാനിൽ സന്ദർശനം നടത്തിയ 65 കാരിയാണ് മരിച്ചത്. ജനുവരി 29 നാണ് യുഎഇയിൽ കോവിഡ് റിപ്പോർട്ട് ചെയ്തത്. ഇതുവരെ 140 പേർക്കാണ് യുഎഇയിൽ രോഗം സ്ഥിരീകരിച്ചത്. ഇവരിൽ പത്തു ശതമാനത്തോളം ഇന്ത്യക്കാരാണ്. രോഗ വ്യാപനം തടയാൻ യുഎഇയിലേക്കുള്ള എല്ലാ ഗതാഗത സംവിധാനങ്ങളും നിർത്തിവെച്ചിരിക്കുകയാണ്. യുഎഇലേക്ക് ജിസിസി രാജ്യങ്ങളിൽ ഉള്ളവർക്കും വിലക്കുണ്ട്. രോഗം സ്ഥിരീകരിച്ച 31 പേർ രോഗമുക്തരായെങ്കിലും അസുഖ ബാധിതരുടെ എണ്ണം കൂടുന്നത് അധികൃതരെ ആശങ്കയിലാക്കുന്നുണ്ട്
