ചെന്നൈ: തമിഴ്നാട്ടില് അധ്യാപകന് വിദ്യാര്ത്ഥിയെ ക്രൂരമായി മര്ദ്ദിക്കുന്നതിന്റെ ദൃശ്യങ്ങള് പുറത്ത്. ചിദംബരത്തെ ദുരൈ കാളിയമൂര്ത്തി നഗറിലെ നന്ദനാര് ബോയ്സ് സ്കൂളിലാണ് സംഭവം. ക്ലാസ്റൂമില് നിലത്ത് മുട്ടുകുട്ടി നിര്ത്തിച്ച ശേഷം വിദ്യാര്ത്ഥിയെ നിര്ത്താതെ വടികൊണ്ട് തല്ലുകയും തുടര്ച്ചയായി ശരീരത്തില് ആഞ്ഞ് ചവിട്ടുകയും ചെയ്യുന്ന ദൃശ്യങ്ങളാണ് പുറത്തുവന്നിരിക്കുന്നത്.
സ്കൂളിലെ ഫിസിക്സ് അധ്യാപകനായ സുബ്രമണ്യനാണ് വിദ്യാര്ത്ഥിയെ ക്രൂരമായി മര്ദ്ദിച്ചത്. ദിവസവും സ്കൂളില് കൃത്യസമയത്ത് എത്താത്തതാണ് വിദ്യാര്ത്ഥിയെ അടിക്കാന് കാരണമെന്നാണ് വിവരം. ചില കുട്ടികളെ നിലത്ത് ഇരുത്തിയിരിക്കുന്നതും വീഡിയോയില് കാണാം. ക്ലാസിലെ സഹപാഠികളാണ് വീഡിയോ മൊബൈലില് പകര്ത്തുകയും സമൂഹമാധ്യമങ്ങളില് പ്രചരിപ്പിക്കുകയും ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
സംഭവത്തില് അന്വേഷണം ആരംഭിച്ചിട്ടുണ്ട്. വിദ്യാര്ത്ഥികളുമായി സംസാരിക്കുന്നുണ്ട്. അധ്യാപകന്റെ ഭാഗത്തുനിന്നും വീഴ്ച്ചയുണ്ടായിട്ടുണ്ടെങ്കില് കര്ശന നടപടി സ്വീകരിക്കുമെന്ന് സ്കൂള് അധികൃതര് വ്യക്തമാക്കി. അതേസമയം, സമൂഹമാധ്യമങ്ങളില് അധ്യാപകനെതിരെ രൂക്ഷ വിമര്ശനങ്ങളാണ് ഉയര്ന്നുവരുന്നത്. അധ്യാപകനെതിരെ എത്രയും വേഗം നടപടിയെടുക്കണമെന്നും, ജോലിയില് നിന്ന് പുറത്താക്കണമെന്നുമാണ് രക്ഷിതാക്കളുടെയും വിദ്യാര്ത്ഥികളുടെയും ആവശ്യം.