തിരുവനന്തപുരം: നിയമവിദ്യാര്ഥി മോഫിയ പര്വീണ് ആത്മഹത്യ ചെയ്ത സംഭവത്തില് ക്രൈംബ്രാഞ്ച് ഇന്ന് അന്വേഷണം ആരംഭിക്കും. സി ഐ സുധീറിനെതിരെയുള്ള പരാതിയും ക്രൈംബ്രാഞ്ച് അന്വേഷിക്കും. ജില്ലാ റൂറൽ ക്രൈംബ്രാഞ്ച് ഡിവൈ എസ് പി വി. രാജീവിന്റെ നേതൃത്വത്തിലുള്ള പ്രത്യേക സംഘത്തിനാണ് അന്വേഷണ ചുമതല. പൊലീസിനെതിരെ ശക്തമായ ആരോപണമുയര്ന്ന സാഹചര്യത്തിലാണ് അന്വേഷണ ചുമതല ക്രൈംബ്രാഞ്ചിന് കൈമാറിയത്.
ഭർത്താവിന്റെ വീട്ടിൽ മോഫിയ പർവീണിന് നേരിട്ടത് കൊടിയ പീഡനമാണെന്ന് റിമാൻഡ് റിപ്പോർട്ടിയില് പറയുന്നു. പെൺകുട്ടിയെ മാനസിക രോഗിയായി മുദ്രകുത്താൻ ശ്രമം നടന്നുവെന്നും ഭർത്താവ് സുഹൈൽ ലൈംഗീക വൈകൃതങ്ങൾക്ക് അടിമയാണെന്നും റിപ്പോർട്ടിലുണ്ട്. 40 ലക്ഷം രൂപ സ്ത്രീധനമായി സുഹൈലും വീട്ടുകാരും ആവശ്യപ്പെട്ടിരുന്നു. പണം നല്കാത്തതിനെ തുര്ന്നാണ് പീഡനം തുടര്ന്നതെന്നും റിപ്പോര്ട്ടില് പറയുന്നു. മൊഫിയ പുറത്ത് പറയാന് പറ്റാത്ത രീതിയിലുള്ള പീഡനം നേരിട്ടിരുന്നതായി മരണത്തിന് പിന്നാലെ കൂട്ടുകാരും വെളിപ്പെടുത്തിയിരുന്നു. സുഹൈലിന് പുറമെ മാതാവ് റുഖിയയും ഉപദ്രവിച്ചെന്നാണ് റിമാൻഡ് റിപ്പോർട്ടിൽ പറയുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ആത്മഹത്യയുമായി ബന്ധപ്പെട്ട് പോലീസിന്റെ ഭാഗത്തു നിന്നുണ്ടായ അനാസ്ഥക്കെതിരെ ശക്തമായ സമരങ്ങളുമായി മുന്പോട്ട് പോകാനാണ് പ്രതിപക്ഷത്തിന്റെ തീരുമാനം. സി ഐ സുധീറിനെ സസ്പെന്ഡ് ചെയ്യണമെന്ന ആവശ്യവുമായി കോണ്ഗ്രസ് പ്രവര്ത്തകര് ഇന്നും സമരം തുടരും.