തിരുവനന്തപുരം: നിയമവിദ്യാര്ഥിനി മോഫിയ പര്വീണ് ആത്മഹത്യ ചെയ്ത സംഭവത്തില് സി ഐ സുധീറിന് സസ്പെന്ഷന്. സർക്കാർ നിർദേശത്തെ തുടർന്ന് ഡിജിപിയാണ് സുധീറിനെ സസ്പെൻഡ് ചെയ്തുകൊണ്ടുള്ള ഉത്തരവ് ഇറക്കിയത്. സിഐ സുധീറിനെ സസ്പെൻഡ് ചെയ്യണമെന്നാവശ്യപ്പെട്ട് കഴിഞ്ഞ് മൂന്ന് ദിവസമായി വലിയ പ്രതിഷേധമായിരുന്നു കോണ്ഗ്രസിന്റെ നേതൃത്വത്തില് അരങ്ങേറിയത്. സുധീറിനെതിരെ വകുപ്പുതല അന്വേഷണവും പ്രഖ്യാപിച്ചിട്ടുണ്ട്.
മോഫിയ പര്വീണ് നല്കിയ പരാതിയില് കേസ് എടുക്കുന്നതില് സി ഐ സുധീറിന് ഗുരുതര വീഴ്ച പറ്റിയിട്ടുണ്ടെന്ന് പ്രാഥമിക അന്വേഷണത്തില് തെളിഞ്ഞിരുന്നു. ഒക്ടോബർ 29- ന് പരാതി ഡി വൈ എസ് പി, സി ഐയ്ക്ക് കൈമാറിയിരുന്നുവെന്നും കേസ് എടുക്കാതെ 25 ദിവസം മനപൂര്വ്വം വൈകിപ്പിച്ചുവെന്നും അന്വേഷണ റിപ്പോര്ട്ടില് പറയുന്നു. പെൺകുട്ടി ആത്മഹത്യ ചെയ്ത ദിവസം മാത്രമാണ് കേസ് എടുത്തതെന്നും റിപ്പോർട്ടില് നിന്നും വ്യക്തമാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കുറ്റക്കാര്ക്കെതിരെ കര്ശന നടപടിയുണ്ടാകുമെന്ന് മുഖ്യമന്ത്രി പിണറായി വിജയനും മോഫിയയുടെ മാതാപിതാക്കള്ക്ക് ഉറപ്പ് നല്കി. മന്ത്രി പി രാജീവ് മോഫിയയുടെ കുടുംബത്തെ സന്ദര്ശിച്ച സമയത്താണ് ഫോണിലൂടെ മുഖ്യമന്ത്രി പെണ്കുട്ടിയുടെ മാതാപിതാക്കളുമായി സംസാരിച്ചത്. മുഖ്യമന്ത്രിയുടെ വാക്കില് വിശ്വാസവും പ്രതീക്ഷയുമുണ്ടെന്ന് മോഫിയുടെ പിതാവ് ദിൽഷാദ് പറഞ്ഞു. കുറ്റക്കാരെ സംരക്ഷിക്കുന്ന നിലപാട് സര്ക്കാരിന്റെ ഭാഗത്ത് നിന്നുമുണ്ടാകില്ലെന്നും മന്ത്രി പി രാജീവും വ്യക്തമാക്കി.