കുനൂര്: സംയുക്ത സൈനീക മേധാവി ബിപിന് റാവത്തും സംഘവും സഞ്ചരിച്ച ഹെലിക്കോപ്ടര് നീലഗിരിയില് തകര്ന്നു വീണു. ഇന്ന് ഉച്ചക്കാണ് അപകടം സംഭവിച്ചത്. ബിപിന് റാവത്തും അദ്ദേഹത്തിന്റെ സ്റ്റാഫും, ഭാര്യയുമാണ് ഹെലികോപ്ടറില് ഉണ്ടായിരുന്നത്. അപകടത്തിൽ മരണം പതിനൊന്നായി. ബിപിൻ റാവത്തിനെ ഗുരുതരാവസ്ഥയിൽ ആശുപത്രിയിലേക്ക് മാറ്റിയതയാണ് റിപ്പോർട്ടുകൾ. ബിപിന് റാവത്തിന്റെ കാലിലും ഇടതുകൈയ്യിലുമായി ഗുരുതരമായി പൊള്ളലേറ്റിരിക്കുന്നതെന്നാണ് വിവരം. അദ്ദേഹത്തിന്റെ ഭാര്യയും 80 ശതമാനത്തിലധികം പൊള്ളലേറ്റ് അതീവഗുരുതരാവസ്ഥയിലാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സൂളൂർ എയർ സ്റ്റേഷനിൽ നിന്ന് വെല്ലിംഗ്ടൺ സൈനിക കോളേജിലേക്ക് പോകുമ്പോഴാണ് അപകടം സംഭവിച്ചത്. പന്ത്രണ്ടരയോടെയാണ് സൂളൂരിൽ നിന്ന് ഹെലികോപ്റ്റർ യാത്ര തിരിച്ചത്. ലാൻഡിംഗിന് തൊട്ടുമുമ്പാണ് അപകടമുണ്ടായതെന്നും അപകടം നടക്കുമ്പോൾ സ്ഥലത്ത് കനത്ത മൂടൽമഞ്ഞുണ്ടായിരുന്നുവെന്നാണ് റിപ്പോർട്ടുകൾ. പ്രതിരോധമന്ത്രി രാജ്നാഥ് സിംഗ് ഊട്ടിയിലെ കൂനൂരിലേക്ക് അധികം താമസിയാതെ യാത്ര തിരിക്കും. അപകടത്തില് വ്യോമസേന വിദഗ്ധ അന്വേഷണത്തിന് ഉത്തരവിട്ടിട്ടുണ്ട്.