കല്‍പ്പറ്റ: വയനാട് ജില്ലാ സിപിഎം സെക്രട്ടറിയായി കാല്‍നൂറ്റാണ്ട് പ്രവര്‍ത്തിച്ച പി എ മുഹമ്മദ് അന്തരിച്ചു. ഇന്ന് രാവിലെ 11. 30 ഓടെ വൈത്തിരിയിലെ സ്വകാര്യ ആശുപത്രിയിലായിരുന്നു അന്ത്യം. 84 വയസ്സായിരുന്നു. വ്യാഴാഴ്ചയാണ് പി എ മുഹമ്മദിനെ ആശുപത്രിയില്‍ പ്രവേശിപ്പിച്ചത്. പക്ഷാഘാതത്തെ തുടര്‍ന്ന് ചികിത്സയിലായിരുന്നു.
വയനാട് ജില്ലാ രൂപീകരണം മുതല്‍ പാര്‍ട്ടി ജില്ലാ സെക്രട്ടേറിയറ്റ് അംഗമായിരുന്ന പി എ മുഹമ്മദ് 25 വര്‍ഷത്തോളം ജില്ലാ സെക്രട്ടറി എന്ന നിലയില്‍ പ്രവര്‍ത്തിച്ചു. സി ഐ ടി യു ജില്ലാ പ്രസിഡണ്ട്, സിപിഎം സംസ്ഥാന കമ്മിറ്റിയംഗം, ദേശാഭിമാനി ഡയറക്ടര്‍ ബോര്‍ഡ് അംഗം തുടങ്ങി വിവിധ നിലകളില്‍ പ്രവര്‍ത്തിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഹൈസ്കൂള്‍ വിദ്യാഭ്യാസം പൂര്‍ത്തീകരിച്ച് കോഴിക്കോട് മലബാര്‍ കൃസ്ത്യന്‍ കോളേജില്‍ ചേര്‍ന്ന പി എ മുഹമ്മദ് പക്ഷേ സാമ്പത്തിക പരാധീനത മൂലം പഠനം നിര്‍ത്തുകയായിരുന്നു. തുടര്‍ന്ന് മടക്കിമല സര്‍വീസ് സഹകരണ ബാങ്കില്‍ ജോലി ലഭിച്ചെങ്കിലും കമ്മ്യൂണിസ്റ്റായതിനാല്‍ ജോലിയില്‍ നിന്ന് പിരിച്ചുവിട്ടു. കണിയാമ്പറ്റ പരേതരായ പന്തനംകുന്നന്‍ ആലിക്കുട്ടി- കുഞ്ഞാമിന ദമ്പതികളുടെ മകനാണ്. പരേതയായ നബീസയാണ് ഭാര്യ. നിഷാദ് (കെഎസ്ഇബി), നെരൂദ (എഞ്ചിനീയര്‍, കെഎസ്ഇബി), പരേതനായ സലിം എന്നിവരാണ് മക്കള്‍. ഹാജറ (എസ് എസ് എ ഓഫീസ്), സീന, മിസ്രി എന്നിവരാണ് മരുമക്കള്‍.
പി എ മുഹമ്മദിന്‍റെ നിര്യാണത്തില്‍ മുഖ്യമന്ത്രി പിണറായി വിജയന്‍, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ എന്നിവര്‍ അനുശോചിച്ചു.
