കൊച്ചി: ലോകായുക്ത ഭേദഗതി ചെയ്യാന് ഗവണ്മെന്റിന് അധികാരമുണ്ടെന്ന നിലപാട് ഹൈക്കോടതിയില് ആവര്ത്തിച്ച് കേരളാ സര്ക്കാര്. നിയമസഭ വഴിയാണ് ലോകായുക്ത നിലവില് വന്നത്. നിയമത്തില് എന്തെങ്കിലും തരത്തിലുള്ള മാറ്റങ്ങള് ആവശ്യമുണ്ടെങ്കില് ഗവണ്മെന്റിന് ഭേദഗതി ചെയ്യാന് സാധിക്കുമെന്നാണ് സര്ക്കാര് കോടതിയെ അറിയിച്ചത്. ലോകായുക്ത ഭേദഗതി ഓര്ഡിനന്സ് സ്റ്റേ ചെയ്യണമെന്ന് ആവശ്യപ്പെട്ട് കേരളാ യൂണിവേഴ്സിറ്റി മുന് സിന്ഡിക്കേറ്റ് അംഗം ആര്. എസ്. ശശികുമാര് സമര്പ്പിച്ച ഹര്ജിയിലാണ് സര്ക്കാര് നിലപാട് വ്യക്തമാക്കിയിരിക്കുന്നത്.
ലോകായുക്ത ഭേദഗതി ജനാധിപത്യ രാജ്യത്തിന് ചേര്ന്നതല്ലെന്നും ലോകായുക്ത ഭേദഗതി ലോകായുക്തയെന്ന സംവിധാനത്തെ ദുര്ബലമാക്കുമെന്നും ശശികുമാരിന്റെ ഹര്ജിയില് പറയുന്നു. സര്ക്കാര് കൊണ്ടുവന്ന ഓര്ഡിനന്സ് ഭരണഘടനക്ക് നിരക്കുന്നതല്ലെന്നും ശശികുമാര് ആരോപിച്ചു. കഴിഞ്ഞ വെള്ളിയാഴ്ച ഹര്ജി ഫയലില് സ്വീകരിച്ച കോടതി സര്ക്കാരിനോട് വിശദീകരണം തേടിയിരുന്നു. പൊതുപ്രവര്ത്തകര് അഴിമതി നടത്തിയാല് പദവിയില് നിന്ന് നീക്കം ചെയ്യാം എന്നാണ് പതിനാലാം വകുപ്പ് പറയുന്നത്. ഇത് ഭരണഘടനാ വിരുദ്ധമാണ് എന്നാണ് സര്ക്കാരിന്റെ പ്രധാന വാദം. ലോകായുക്ത സംസ്ഥാന വിഷയമായാതിനാല് നിയമഭേദഗതി സര്ക്കാരിന് തന്നെ വരുത്താമെന്നാണ് സര്ക്കാര് കോടതി നല്കിയിരിക്കുന്ന വിശദീകരണത്തില് പറയുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലോകയുക്താ വിധി സർക്കാരിന് തള്ളാൻ അധികാരം നൽകുന്നതാണ് പുതിയ ഭേദഗതി. ലോകായുക്ത ജഡ്ജിയുടെ യോഗ്യതയും ഇളവ് ചെയ്യും. സുപ്രീം കോടതിയിൽ ജഡ്ജി ആയിരുന്ന വ്യക്തിയോ ഹൈക്കോടതി ചീഫ് ജസ്റ്റിസ് ആയിരുന്ന വ്യക്തിയോ ആണ് ലോകായുക്ത ആയിരുന്നത്. പുതിയ ഭേദഗതി പ്രകാരം ഹൈക്കോടതി ജഡ്ജിയായിരുന്ന വ്യക്തിക്ക് ലോകായുക്തയാകാം. ഹൈക്കോടതിയിലെ നിലവിലുള്ള ജഡ്ജിക്ക് ഉപലോകായുക്തയാകാമെന്ന വ്യവസ്ഥയും സര്ക്കാര് മാറ്റിയിരുന്നു.