തിരുവനന്തപുരം: വിദ്വേഷ പരാമര്ശത്തില് മുന് എം എല് എ പി സി ജോര്ജ്ജിന് ഉപാധികളോടെ ജാമ്യം അനുവദിച്ചു. തിരുവനന്തപുരം ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയാണ് ജാമ്യം നല്കിയത്. വിദ്വേഷ പ്രസംഗം നടത്തരുത്, സാക്ഷികളെ സ്വാധീനിക്കരുത്, അന്വേഷണത്തോട് സഹകരിക്കണം തുടങ്ങിയ ഉപാധികളോടെയാണ് ജാമ്യം. മുസ്ലിം തീവ്രവാദിക്കള്ക്കുള്ള മുഖ്യമന്ത്രി പിണറായി വിജയന്റെ സമ്മാനമാണ് തന്റെ അറസ്റ്റെന്നായിരുന്നു ജാമ്യം ലഭിച്ചതിന് പിന്നാലെയുള്ള പി സി ജോര്ജ്ജിന്റെ പ്രതികരണം. വ്യവസായ പ്രമുഖന് എം എ യൂസഫലിക്കെതിരെ നടത്തിയ പരാമര്ശം പിന്വലിക്കുന്നു. എന്നാല് താന് പറഞ്ഞ മറ്റ് കാര്യങ്ങള് തെളിവുകളുടെ അടിസ്ഥാനത്തിലാണ് സംസാരിച്ചതെന്നും അതില് ഉറച്ച് നില്ക്കുകയാണെന്നും പി സി ജോര്ജ്ജ് കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക