തിരുവനന്തപുരം: നെയ്യാറ്റിന്കരയില് വാളുകളേന്തി പ്രകടനം നടത്തിയ ദുര്ഗാവാഹിനി പ്രവര്ത്തകര്ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു. ആര്യങ്കോട് പൊലീസാണ് സ്വമേധയാ കേസെടുത്തത്. ആയുധ നിയമപ്രകാരവും സമുദായങ്ങള്ക്കിടയില് മതസ്പര്ധ വളര്ത്താന് ശ്രമിച്ചതുള്പ്പെടെയുളള വകുപ്പുകളും ചേര്ത്താണ് പൊലീസ് കേസെടുത്തിരിക്കുന്നത്. ജാമ്യമില്ലാ വകുപ്പുകളാണ് നിലവില് ദുര്ഗാവാഹിനി പ്രവര്ത്തകര്ക്കെതിരെ ചുമത്തിയിരിക്കുന്നത്.
വിശ്വഹിന്ദു പരിഷത്തിന്റെ വനിതാ വിഭാഗമായ ദുർഗാവാഹിനി പ്രവർത്തകർ നെയ്യാറ്റിന്കര കീഴാറൂരിലാണ് വാളുകളേന്തി പ്രകടനം നടത്തിയത്. കീഴാറൂര് സരസ്വതി വിദ്യാലയത്തില് നടന്ന ആയുധപരിശീലന ക്യാംപിനുശേഷമായിരുന്നു റോഡിലൂടെ ആയുധമേന്തിയുളള പ്രകടനം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ദുര്ഗാവാഹിനിയുടെ പ്രകടനത്തിനെതിരെ എസ് ഡി പി ഐയും വെല്ഫെയര് പാര്ട്ടിയും പൊലീസില് പരാതി നല്കിയിരുന്നു. ആയുധമേന്തിയുളള വനിതകളുടെ പ്രകടനത്തിന്റെ വീഡിയോകളും ചിത്രങ്ങളും സമൂഹമാധ്യമങ്ങളില് വ്യാപകമായി പ്രചരിച്ചിരുന്നു. വീഡിയോ ദൃശ്യങ്ങള് പരിശോധിച്ചുവരികയാണെന്ന് പൊലീസ് വ്യക്തമാക്കി.