കുവൈത്ത് സിറ്റി : കുവൈത്തില് ഇന്ത്യന് പ്രവാസികള്ക്കിടയില് നാനൂറോളം പേര്ക്ക് കൊറോണ വൈറസ് ബാധയേറ്റതായി സ്ഥിരീകരണം. ആകെയുള്ള എണ്ണൂറോളം കൊവിഡ് -19 രോഗികളില് പകുതിയും ഇന്ത്യന് പ്രവാസികളാണ് എന്നത് ആശങ്ക സൃഷ്ടിച്ചിരിക്കയാണ്.
പ്രവാസികളുടെ ഇടയില് കൊറോണ പടരുന്ന സാഹചര്യത്തില് സ്വദേശി മേഖലകളില് ഒറ്റപ്പെട്ടു താമസിക്കുന്ന ഇന്ത്യന് തൊഴിലാളികളെ കണ്ടെത്തി നിരീക്ഷണത്തിലേക്ക് മാറ്റാന് കുവൈത്ത് അധികൃതര് ഊര്ജ്ജിത ശ്രമമാരംഭിച്ചിട്ടുണ്ട്. പ്രവാസികള് തിങ്ങി താമസിക്കുന്ന ജലീബ് അല് ശുഐബ് പോലുള്ള സ്ഥലങ്ങളില് കുവൈത്ത് സര്ക്കാര് ലോക്ക് ഡൌണ് ഏര്പ്പെടുത്തിയിട്ടുണ്ട്.