ഡല്ഹി: പ്രധാനമന്ത്രി നരേന്ദ്രമോദിക്കെതിരെ രൂക്ഷവിമര്ശനവുമായി ബിജെപി നേതാവ് സുബ്രഹ്മണ്യന് സ്വാമി. നരേന്ദ്രമോദിയുടെ ഭരണത്തില് ഭാരതമാതാവ് ലജ്ജിച്ച് തലതാഴ്ത്തിയെന്നാണ് സുബ്രഹ്മണ്യന് സ്വാമി ട്വീറ്റ് ചെയ്തത്. മോദി അധികാരത്തില് എത്തിയതിന് ശേഷം ലഡാക്ക് വിഷയത്തില് ചൈനയുടെ മുന്പില് ഇന്ത്യ ഇഴഞ്ഞുനീങ്ങി, യുക്രൈന് വിഷയത്തില് റഷ്യക്ക് മുന്പില് മുട്ടുമടക്കി, ക്വാഡില് അമേരിക്കക്ക് കീഴടങ്ങി, ഇപ്പോഴിതാ ഖത്തറിനു മുന്നിലും ഇന്ത്യ സാഷ്ടാംഗം പ്രണമിച്ചിരിക്കുകയാണെന്ന് സുബ്രഹ്മണ്യന് സ്വാമി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ബിജെപി വക്താക്കള് പ്രവാചകന് മുഹമ്മദ് നബിക്കെതതിരെ നടത്തിയ പരാമര്ശം വ്യാപക പ്രതിഷേധത്തിന് ഇടയാക്കിയ സാഹചര്യത്തിലാണ് സുബ്രഹ്മണ്യന് സ്വാമിയുടെ പ്രതികരണം. കഴിഞ്ഞ കുറച്ച് കാലങ്ങളായി സുബ്രഹ്മണ്യന് സ്വാമി ബിജെപിയുടെ കടുത്ത വിമര്ശകനാണ്. കശ്മീര് പണ്ഡിറ്റുകള്ക്കെതിരെ നടക്കുന്ന അതിക്രമങ്ങള്ക്കെതിരെയും സുബ്രഹ്മണ്യന് സ്വാമി രംഗത്തെത്തിയിരുന്നു. ഇന്ത്യയില് സമാധാനം പുനസ്ഥാപിക്കാന് കേന്ദ്ര അഭ്യന്തര മന്ത്രി അമിത് ഷാക്ക് സാധിക്കുന്നില്ലെങ്കില് അദ്ദേഹം രാജിവെച്ച് പുറത്ത് പോകണമെന്നാണ് സുബ്രഹ്മണ്യന് സ്വാമി കഴിഞ്ഞ ദിവസം ആവശ്യപ്പെട്ടത്.