തിരുവനന്തപുരം: വിമാനത്തിനുള്ളില് മുഖ്യമന്ത്രി പിണറായി വിജയനെതിരെ പ്രതിഷേധിച്ച യൂത്ത് കോണ്ഗ്രസുകാരെ തള്ളിയിട്ട എല് ഡി എഫ് കണ്വീനര് ഇ പി ജയരാജനെതിരെ കേസ് എടുക്കില്ല. മുഖ്യമന്ത്രി രേഖമൂലം നിയമസഭയിലാണ് ഇക്കാര്യം അറിയിച്ചത്. ഇ പി ജയരാജനെതിരെ യൂത്ത് കോണ്ഗ്രസ് പ്രവര്ത്തകര് പരാതി നല്കിയിട്ടില്ല. മുഖ്യമന്ത്രിയെ അക്രമിക്കാന് ശ്രമിച്ചപ്പോള് ഇ പി ജയരാജന് അതുതടയാനാണ് ശ്രമിച്ചതെന്നും മുഖ്യമന്ത്രി നിയസഭയില് നല്കിയ മറുപടിയില് പറയുന്നു. യുവജന സംഘടനാ പ്രവര്ത്തകരെ മര്ദിച്ചതില് ഇ.പിക്കെതിരെ കേസെടുക്കുന്നതുമായി ബന്ധപ്പെട്ട് പ്രതിപക്ഷ എംഎല്എമാരുടെ ചോദ്യത്തിന് മറുപടി പറയുകയായിരുന്നു പിണറായി വിജയന്. ഇ പി ജയരാജനെതിരെ കേസ് എടുക്കുന്നതുമായി ബന്ധപ്പെട്ട് നിയമോപദേശം തേടിയിട്ടുണ്ടോയെന്നും പ്രതിപക്ഷം ചോദിച്ചു. എന്നാല് ഇക്കാര്യത്തില് നിയമോപദേശം തേടിയിട്ടില്ലെന്നും മുഖ്യമന്ത്രി മറുപടി നല്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സ്വര്ണക്കടത്ത് കേസ് പ്രതി സ്വപ്ന സുരേഷിന്റെ പുതിയ വെളിപ്പെടുത്തലിന്റെ അടിസ്ഥാനത്തില് യൂത്ത് കോണ്ഗ്രസ് പ്രവര്ത്തകര് സംസ്ഥാനത്തുടനീളം പ്രതിഷേധ പരിപാടികള് സംഘടിപ്പിച്ചിരുന്നു. ഇതിനോട് അനുബന്ധിച്ചാണ് കണ്ണൂര് - തിരുവനന്തപുരം യാത്രക്കിടെ യൂത്ത് കോണ്ഗ്രസ് നേതാക്കള് മുഖ്യമന്ത്രിക്കെതിരെ മുദ്രാവാക്യം വിളിച്ചത്. ഈ സമയം മുഖ്യമന്ത്രിക്കൊപ്പമുണ്ടായിരുന്ന ഇ പി ജയരാജന് യൂത്ത് കോണ്ഗ്രസ് നേതാക്കളെ വിമാനത്തിനുള്ളില് വെച്ച് തള്ളിമാറ്റുന്നതിന്റെ ദൃശ്യങ്ങള് സാമൂഹിക മാധ്യമങ്ങളില് വൈറലാവുകയും ചെയ്തിരുന്നു.