തിരുവനന്തപുരം: എം എം മണിയുമായുളള തര്ക്കത്തില് ആനി രാജയെ പിന്തുണയ്ക്കാതെ സി പി ഐ സംസ്ഥാന നേതൃത്വം. ആനി രാജയുടേത് വ്യക്തിപരമായ അഭിപ്രായമാണെന്നും സിപിഎമ്മും കോണ്ഗ്രസുമായുളള തര്ക്കത്തില് അനാവശ്യ ഇടപെടലാണ് അവര് നടത്തിയതെന്നുമാണ് സി പി ഐ സംസ്ഥാന നേതൃത്വത്തിന്റെ അഭിപ്രായം. 'മണിയുടെ പരാമര്ശം നിയമസഭയിലെ ഭരണ-പ്രതിപക്ഷ തര്ക്കത്തിന്റെ ഭാഗമായി കാണണം. ആനി രാജയ്ക്ക് അവരുടെ വ്യക്തിപരമായ അഭിപ്രായം പറയാനുളള സ്വാതന്ത്ര്യമുണ്ട്. പക്ഷേ അത് സി പി ഐ സംസ്ഥാന നേതൃത്വത്തിന്റെ അഭിപ്രായമല്ല'- എന്നാണ് സി പി ഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
എം എം മണി നിയമസഭയില് പറഞ്ഞതിനോട് പ്രതികരിക്കാന് സഭയില്തന്നെ സി പി ഐക്ക് 17 എം എല് എമാര് ഉണ്ട്. അതിനുപുറമേ വേണമെങ്കില് ഇടപെടാന് സംസ്ഥാന നേതൃത്വവുമുണ്ട്. അതല്ലാതെ ഡല്ഹിയില് ദേശീയ നേതൃത്വത്തിന്റെ ഭാഗമായവര് അഭിപ്രായം പറയേണ്ട കാര്യമില്ല എന്നാണ് സംസ്ഥാന നേതൃത്വത്തിന്റെ നിലപാട്.
ഇതാദ്യമായല്ല സി പി ഐ ആനി രാജയെ കയ്യൊഴിയുന്നത്. നേരത്തെ മുഖ്യമന്ത്രി പിണറായി വിജയന് കൈകാര്യം ചെയ്യുന്ന ആഭ്യന്തര വകുപ്പിനും കേരളാ പൊലീസിനുമെതിരെ വിമര്ശനമുന്നയിച്ചപ്പോള് അവര്ക്കെതിരെ കാനം രാജേന്ദ്രന് കേന്ദ്ര നേതൃത്വത്തെ സമീപിച്ചിരുന്നു. എം എം മണി അനാവശ്യമായി എന്തെങ്കിലും പറഞ്ഞിട്ടുണ്ടെങ്കില് അത് അദ്ദേഹത്തിന്റെ പാര്ട്ടിയും നേതൃത്വവും നോക്കട്ടെ എന്നാണ് സി പി ഐ നിലപാട്. എന്നാല് പാര്ട്ടിയിലെ സമുന്നതയായ വനിതാ നേതാവിനെ അവഹേളിക്കുന്നത് നോക്കിനില്ക്കാനാവില്ലെന്നുള്ള അഭിപ്രായം സി പി ഐയിലെ ഒരു വിഭാഗത്തിനുണ്ട്.