ഡല്ഹി: കൊവിഡ് കേസുകള് കുറയാതെ തുടരുന്ന സാഹചര്യത്തിൽ ഓണാഘോഷങ്ങള്ക്ക് നിയന്ത്രണം ഏർപ്പെടുത്തണമെന്ന് കേന്ദ്ര ആരോഗ്യ മന്ത്രാലയം കേരളത്തോട് ആവശ്യപ്പെട്ടു. ഇതു സംബന്ധിച്ച് കേരളം ഉൾപ്പടെയുള്ള സംസ്ഥാനങ്ങള്ക്ക് ആരോഗ്യമന്ത്രാലയം കത്തയച്ചിട്ടുണ്ട്. വരും മാസങ്ങളിലെ ആഘോഷങ്ങളിലും കടുത്ത നിയന്ത്രണം വേണം. കൊവിഡ് വ്യാപനം നിയന്ത്രണവിധേയമാക്കാന് കർശനമായ നടപടിയും ജാഗ്രതയും ആവശ്യമാണെന്ന് കേന്ദ്ര ആരോഗ്യമന്ത്രാലയം അറിയിച്ചു.
കൊവിഡ് പരിശോധനകളും വാക്സിനേഷനും വര്ധിപ്പിക്കണമെന്നും പൊതുയിടങ്ങളില് മാസ്ക് ധരിക്കുന്നതടക്കമുള്ള മുന്കരുതല് നടപടികള് ശക്തമാക്കണമെന്നും കേന്ദ്രം നിഷ്കര്ഷിക്കുന്നുണ്ട്. കേരളത്തിന് പുറമേ ഡല്ഹി, കര്ണാടക, മഹാരാഷ്ട്ര, ഒഡിഷ, തമിഴ്നാട്, തെലങ്കാനങ്ങള്ക്കാണ് കേന്ദ്ര ആരോഗ്യവകുപ്പ് സെക്രട്ടറി രാജേഷ് ഭൂഷണ് കത്തയച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ ഒരു മാസമായി കേരളത്തില് പ്രതിദിന കൊവിഡ് നിരക്കുകൾ കൂടുതലാണ്. അഞ്ച് ജില്ലകളില് പത്ത് ശതമാനത്തിന് മുകളിലാണ് ടെസ്റ്റ് പോസിറ്റിവിറ്റി നിരക്ക്. രാജ്യത്തെ പ്രതിവാര കേസുകളുടെ 7.8 ശതമാനം കേരളത്തിലാണെന്നും കേന്ദ്രം ചൂണ്ടിക്കാട്ടുന്നു. ഈ സാഹചര്യത്തില് ഓണാഘോഷവും ഒത്തുകൂടലുകളും കൊവിഡ് കേസുകള് വ്യാപകമാകാന് ഇടയാക്കുമെന്നാണ് കേന്ദ്ര ആരോഗ്യ മന്ത്രാലയത്തിന്റെ വിലയിരുത്തല്.