തിരുവനന്തപുരം: വിദ്യാലയങ്ങളില് ലിംഗസമത്വം അടിച്ചേല്പ്പിക്കില്ലെന്ന് വിദ്യാഭ്യാസ മന്ത്രി വി ശിവന്കുട്ടി. കുട്ടികളെ ഇടകലര്ത്തി ഇരുത്തി പഠിക്കുമെന്ന് സര്ക്കാര് എവിടെയും പറഞ്ഞിട്ടില്ല. ആള്കുട്ടികളും പെണ്കുട്ടികളും അടുത്തടുത്ത് ഇരിക്കാന് പാടില്ലെന്ന തരത്തില് ചില നേതാക്കളില് നിന്നും പ്രസ്താവനയുണ്ടായപ്പോള് കുട്ടികള് ഒരുമിച്ചിരുന്നാൽ എന്താണ് പ്രശ്നം എന്ന് ചോദിച്ചിരുന്നു. ഇക്കാര്യത്തില് മുഖ്യമന്ത്രി പിണറായി വിജയന് വ്യക്തമായ വിശദീകരണം നല്കിയിരുന്നു. സ്കൂളുകള് മികസ്ഡ് ആക്കുന്നതുമായി ബന്ധപ്പെട്ട തീരുമാനമെടുക്കേണ്ടത് പിടിഎകളും തദ്ദേശ സ്ഥാപനങ്ങളുമാണെന്നും വിദ്യാഭ്യാസ മന്ത്രി വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജെൻഡർ ന്യൂട്രാലിറ്റി പാഠ്യപദ്ധതിയുടെ കരട് രേഖയില് നിന്ന് ആൺകുട്ടികളേയും പെൺകുട്ടികളേയും ഇടകലർത്തി ഇരുത്തണമെന്ന നിർദ്ദേശം ഇന്നലെയാണ് ഒഴിവാക്കിയത്. ലിംഗ സമത്വത്തിലധിഷ്ഠിതമായ വിദ്യാഭ്യാസം എന്ന തലക്കെട്ട് ഒഴിവാക്കി, ലിംഗ നീതിയിൽ അധിഷ്ഠിതമായ വിദ്യാഭ്യാസം എന്ന നിലയിലേക്ക് മാറ്റിയിട്ടുണ്ട്. പാഠ്യപദ്ധതിയുടെ സമീപനരേഖ തയാറാക്കുന്നതിന് മുന്നോടിയായി പൊതുസമൂഹത്തിന് മുന്നില് ചര്ച്ചയ്ക്കായി വച്ച കരട് രേഖയിലാണ് മാറ്റം വരുത്തിയത്.
അതേസമയം, സ്കൂളുകളില് ആണ് കുട്ടികള്ക്കും പെണ്കുട്ടികള്ക്കും ഒരേ യൂണിഫോം അടിച്ചേല്പ്പിക്കാന് സര്ക്കാര് താത്പര്യപ്പെടുന്നില്ലെന്ന് മുഖ്യമന്ത്രി ഇന്നലെ നിയമസഭയില് പറഞ്ഞു. കെ.കെ. ശൈലജ ടീച്ചറുടെ സബ്മിഷന് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്. വസ്ത്രം, ഭക്ഷണം, വിശ്വാസം ഇവ സമൂഹിക സാഹചര്യം അനുസരിച്ച് വ്യക്തിക്ക് തീരുമാനിക്കാമെന്നും മുഖ്യമന്ത്രി വ്യക്തമാക്കി. സ്ത്രീകള് നേരിടുന്ന പ്രശ്നം സര്ക്കാരിനറിയാം. തൊഴിലിടങ്ങളിൽ ചിലയിടങ്ങളില് വിവേചനവും ആണ്കോയ്മയും നിലനില്ക്കുന്നുണ്ടെന്നും മുഖ്യമന്ത്രി പറഞ്ഞിരുന്നു.