തിരുവനന്തപുരം: എ കെ ജി സെന്റര് ആക്രമണക്കേസില് പ്രതി പിടിയില്. യൂത്ത് കോണ്ഗ്രസ് നേതാവ് ജിതിന് കുളത്തൂരാണ് പിടിയിലായത്. തിരുവനന്തപുരം മണ്വിള സ്വദേശിയായ ജിതിന് ആറ്റിപ്ര മണ്ഡലം പ്രസിഡന്റാണ്. ജിതിനാണ് എ കെ ജി സെന്ററിലേക്ക് സ്ഫോടക വസ്തു എറിഞ്ഞതെന്നും കൂടുതല് ചോദ്യംചെയ്യലുകള്ക്കുശേഷമായിരിക്കും അറസ്റ്റുള്പ്പെടെയുളള നടപടികളിലേക്ക് കടക്കുകയെന്നും ക്രൈംബ്രാഞ്ച് പറഞ്ഞു. ജിതിന് നിലവില് ക്രൈംബ്രാഞ്ചിന്റെ കസ്റ്റഡിയിലാണ്.
എ കെ ജി സെന്റര് ആക്രമിച്ച കേസ് അന്വേഷണം യൂത്ത് കോണ്ഗ്രസിലെത്തി നില്ക്കുകയാണെന്ന് അടുത്തിടെ ക്രൈംബ്രാഞ്ച് വെളിപ്പെടുത്തിയിരുന്നു. കോണ്ഗ്രസിലെ ഉന്നതരായ നേതാക്കളുമായി അടുത്ത ബന്ധമുളള കഴക്കൂട്ടം സ്വദേശിയാണ് എ കെ ജി സെന്റര് ആക്രമണത്തിന്റെ മുഖ്യസൂത്രധാരന് എന്നും ഇയാളെ കേന്ദ്രീകരിച്ചാണ് അന്വേഷണം പുരോഗമിക്കുന്നതെന്നും ക്രൈംബ്രാഞ്ച് സംഘം പറഞ്ഞിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജൂലൈ മുപ്പതിന് രാത്രി പതിനൊന്നരയോടെയാണ് എ കെ ജി സെന്ററിനുനേരേ ആക്രമണമുണ്ടാവുന്നത്. സംസ്ഥാനത്തുടനീളം വന് പ്രതിഷേധങ്ങള്ക്ക് വഴിതെളിച്ച സംഭവത്തില് സിസിടിവി ദൃശ്യം മാത്രമായിരുന്നു ഏക തെളിവ്. അന്വേഷണ സംഘം നൂറിലേറേ സി സി ടിവി ദൃശ്യങ്ങള് പരിശോധിക്കുകയും പ്രതി സഞ്ചരിച്ചതെന്ന് കരുതുന്ന മോഡല് വാഹനം ഉപയോഗിക്കുന്നവരെ ചോദ്യംചെയ്യുകയും ചെയ്തിരുന്നു. ആക്രമണം നടന്ന് രണ്ടര മാസത്തിനുശേഷമാണ് പ്രതിയെ പിടികൂടുന്നത്.