തിരുവനന്തപുരം: സ്വര്ണക്കടത്ത് കേസ് പ്രതി സ്വപ്ന സുരേഷ് ഉന്നയിച്ച ലൈംഗീകാരോപണത്തില് സിപിഎം നേതാക്കള് മൗനം പാലിക്കുന്നതിനെതിരെ പ്രതിപക്ഷ നേതാവ് വി ഡി സതീശന്. ഗുരുതരമായ ആരോപണമാണ് സ്വപ്ന ഉന്നയിച്ചിരിക്കുന്നത്. പാര്ട്ടിയിലെ മുതിര്ന്ന നേതാക്കള് മൌനം പാലിക്കുന്നതില് ദുരൂഹതയുണ്ടെന്നും വി ഡി സതീശന് ആരോപിച്ചു. വെളിപ്പെടുത്തലിന്റെ അടിസ്ഥാനത്തില് സരിത എസ്. നായരില് നിന്നും പരാതി എഴുതി വാങ്ങി മുന്മുഖ്യമന്ത്രി ഉമ്മന് ചാണ്ടിക്കെതിരെ സി.ബി.ഐ അന്വേഷണത്തിന് ഉത്തരവിട്ടയാളാണ് പിണറായി വിജയന്. സരിതയ്ക്ക് ഉണ്ടായിരുന്ന വിശ്വാസ്യത സ്വപ്ന സുരേഷിന് ഇല്ലാതാകുന്നത് എങ്ങനെയാണെന്നും പ്രതിപക്ഷ നേതാവ് ചോദിച്ചു. അവരെ മുന്നില് നിര്ത്തി ഉമ്മന് ചാണ്ടി ഉള്പ്പെടെയുള്ള നേതാക്കളെ അപകീര്ത്തിപ്പെടുത്താനും അപമാനിക്കാനുമാണ് സി.പി.എമ്മും എല്.ഡി.എഫും ശ്രമിച്ചത്. അന്ന് ചെയ്തതിനൊക്കെ കാലം ഇപ്പോള് ചോദിച്ചുകൊണ്ടിരിക്കുകയാണെന്നും വി ഡി സതീശന് കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ ദിവസം ഏഷ്യാനെറ്റ് ന്യൂസിന് നല്കിയ അഭിമുഖത്തിലാണ് കടകം പള്ളി സുരേന്ദ്രന്, പി ശ്രീരാമകൃഷ്ണന്, തോമസ് ഐസക്ക് എന്നീ സിപിഎം നേതാക്കള്ക്കെതിരെ സ്വപ്ന സുരേഷ് ലൈംഗികാരോപണം ഉന്നയിച്ചത്. കടകംപള്ളി സുരേന്ദ്രൻ കൊച്ചിയിൽ വച്ച് ഹോട്ടൽ മുറിയിലേക്ക് ക്ഷണിച്ചുവെന്നും പി ശ്രീരാമകൃഷ്ണൻ ഔദ്യോഗിക വസതിയിലേക്ക് ഒറ്റക്ക് വരാൻ ആവശ്യപ്പെട്ടെന്നും തോമസ് ഐസക് മൂന്നാറിലേക്ക് കൊണ്ടുപോകാമെന്ന് പറഞ്ഞെന്നുമാണ് സ്വപ്നയുടെ ആരോപണം. 'ചതിയുടെ പത്മവ്യൂഹം' എന്ന പുസ്തകവുമായി ബന്ധപ്പെട്ട് ഏഷ്യാനെറ്റ് ന്യൂസുമായി സംസാരിക്കുവേയായിരുന്നു സ്വപ്ന സുരേഷ് ഗുരുതര ആരോപണമുന്നയിച്ചത്.