തിരുവനന്തപുരം: ഗവര്ണറെ സര്വകലാശാലകളുടെ ചാന്സലര് സ്ഥാനത്ത് നിന്നും നീക്കാനുള്ള ഓര്ഡിനന്സിന് മന്ത്രിസഭയുടെ അംഗീകാരം. നിയമ വകുപ്പ് തയ്യാറാക്കി കൈമാറിയ ഓര്ഡിനന്സിനാണ് ഇന്നത്തെ മന്ത്രിസഭാ യോഗം അംഗീകാരം നല്കിയത്. ഗവര്ണര്ക്ക് പകരം വിദ്യാഭ്യാസ രംഗത്തെ വിദഗ്ദരെ നിയമിക്കാനാണ് സര്ക്കാര് നീക്കം. മന്ത്രിമാര്ക്കും ചാന്സലറാകാമെന്നും ഓര്ഡിനന്സില് പറയുന്നു. അന്തിമ തീരുമാനം സര്ക്കാര് സ്വീകരിക്കും.
നിയമവിദഗ്ധരുടെ ഉപദേശം തേടിയാകും സര്ക്കാര് നിയമ നിര്മാണത്തിലേക്ക് കടക്കുക. ഇക്കാര്യം ചര്ച്ച ചെയ്യാന് അടുത്ത മാസം നിയമസഭാ സമ്മേളനം വിളിച്ചു ചേര്ക്കാന് തീരുമാനമായി. ഡിസംബർ 5 മുതൽ 15 വരെ സഭാ സമ്മേളനം ചേരാനാണ് ധാരണ. നിയമ സർവകലാശാലകൾ ഒഴികെ സംസ്ഥാനത്തെ 15 സർവ്വകലാശാലകളുടേയും ചാൻസലർ നിലവിൽ ഗവർണറാണ്. ഓരോ സർവകലാശാലകളുടേയും നിയമത്തിൽ ഭേദഗതി കൊണ്ടുവരാൻ പ്രത്യേകം പ്രത്യേകം ബിൽ അവതരിപ്പിക്കാനാണ് ശ്രമം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഓര്ഡിനന്സില് ഗവര്ണര് ഒപ്പിട്ടാല് മാത്രമേ ബില്ല് നിയമമാവുകയുള്ളൂ. എന്നാല് സര്ക്കാരും- ഗവര്ണറും തമ്മില് കനത്ത പോര് നിലനില്ക്കുന്നതിനാല് ആരിഫ് മുഹമ്മദ് ഖാന് ബില്ലില് ഒപ്പിടാന് സാധ്യതയില്ല. ഓര്ഡിനന്സില് ഒപ്പിടാന് ഗവര്ണര് ബാധ്യസ്ഥനാണെന്നാണ് ഭരണഘടനവിദഗ്ദനായ പിഡിടി ആചാരി പ്രതികരിച്ചത്. സിപിഎം സംസ്ഥാന കമ്മിറ്റിയുടെ അംഗീകാരത്തോടുകൂടിയാണ് ഗവര്ണറെ ചാന്സലര് സ്ഥാനത്ത് നിന്നും നീക്കാനുള്ള നടപടി സര്ക്കാര് ആരംഭിച്ചത്. സ
ര്ക്കാരിനും ഉന്നതവിദ്യാഭ്യാസ മേഖലയ്ക്കും നിരന്തരമായി തലവേദന സൃഷ്ടിക്കുന്ന ഗവര്ണറെ ചാന്സലര് സ്ഥാനത്ത് നിന്നും നീക്കുന്നതാണ് ഉചിതമെന്ന തീരുമാനമാണ് പാര്ട്ടി മീറ്റിംഗില് ഉയര്ന്നുവന്നത്. അതേസമയം, പ്രതിപക്ഷ പിന്തുണയോടെ ബിൽ പാസാക്കനാണ് സർക്കാർ നീക്കം. എന്നാൽ ചാൻസലർ സ്ഥാനത്ത് നിന്ന് ഗവർണറെ മാറ്റാനുള്ള നീക്കം അംഗീകരിക്കില്ലെന്ന് പ്രതിപക്ഷ നേതാവ് വി ഡി സതീശൻ പ്രതികരിച്ചു.