സര്‍വകലാശാല പരീക്ഷകള്‍ മെയ് 11-ാം ശേഷം നടത്തും. ഇത് സംബന്ധിച്ച് നിർദ്ദേശം സർക്കാർ സർവകലാശാലകൾക്ക് നൽകി ഒരാഴ്ചയ്ക്കുള്ളില്‍ പരീക്ഷകള്‍ പൂര്‍ത്തിയാക്കണമെന്നും നിർദേശം നൽകി. കൊവിഡ് പ്രതിരോധ മാനദണ്ഡങ്ങൾ പാലിച്ചായിരിക്കണം പരീക്ഷ. കൂടാതെ ആരോഗ്യ വകുപ്പിന്റെ നിർദ്ദേശങ്ങലും പാലിക്കണം. പരീക്ഷയെക്കുറിച്ച് വിദ്യാര്‍ത്ഥികള്‍ക്ക് കൃത്യമായ നിര്‍ദേശങ്ങള്‍ നല്‍കണമെന്നും ഉന്നതവിദ്യാഭ്യാസ വകുപ്പ് അറിയിച്ചു. ഇതുവരെ നടന്ന പരീക്ഷകളുടെ മൂല്യനിര്‍ണ്ണയം ഏപ്രിൽ 20-ാം തിയതി മുതൽ അരംഭിക്കും . ഹോംവാലേഷ്വന്‍ ആണ് നിർദേശിച്ചിരിക്കുന്നത്.
സംസ്ഥാന സര്‍ക്കാര്‍ വിദ്യാഭ്യാസ സമിതി രൂപീകരിച്ചു. അധ്യയന നഷ്ടവും പരീക്ഷ നടത്തിപ്പും ക്രമീകരിക്കാനാണ് സമിതി രൂപീകരിച്ചത്. ആസൂത്രണ ബോര്‍ഡ് അംഗം ബി ഇക്ബാലാണ് സമിതി ചെയർമാൻ. എംജി സര്‍വ്വകലാശാല വൈസ് ചാന്‍സിലര്‍ സാബു തോമസ്, കേരള സര്‍വ്വകലാശാല പ്രോ വിസി അജയകുമാര്‍ എന്നിവരാണ് അംഗങ്ങൾ
