ഇന്ഡോര്: ദൈവം തന്റെ പ്രാര്ത്ഥനകള്ക്ക് മറുപടി നല്കിയില്ലെന്നാരോപിച്ച് അമ്പലങ്ങള് തകര്ത്ത് ഇരുപത്തിനാലുകാരന്. മധ്യപ്രദേശിലെ ഇന്ഡോറിലാണ് സംഭവം. തന്റെ പ്രാര്ത്ഥനകള് ദൈവം കേട്ടില്ലെന്നാരോപിച്ചാണ് യുവാവ് രണ്ട് ക്ഷേത്രങ്ങള് തകര്ത്തതെന്ന് പൊലീസ് പറഞ്ഞു. 'കുട്ടിക്കാലത്ത് ഒരു അപകടത്തില് കണ്ണുകള്ക്ക് സാരമായ പരിക്കേറ്റു. ഇത് ഭേദമാകാനായി ദൈവത്തോട് ഒരുപാട് പ്രാര്ത്ഥിച്ചു. എന്നാല് എന്റെ കണ്ണിന്റെ പരിക്ക് ഭേദമായില്ല. ഇതിന്റെ ദേഷ്യം തീര്ക്കാനാണ് അമ്പലങ്ങള് തകര്ത്തത്' എന്നാണ് യുവാവിന്റെ വിശദീകരണം.
ഇന്ത്യന് ശിക്ഷാ നിയമം 295 എ (ഏതെങ്കിലും മതവിഭാഗങ്ങളെയോ വിശ്വാസങ്ങളെയോ അപമാനിക്കുന്നതിനും മതവികാരം വ്രണപ്പെടുത്തുന്നതിനുമായി പ്രവര്ത്തിക്കുക) പ്രകാരമാണ് യുവാവിനെതിരെ കേസെടുത്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ചന്ദന് നഗറിലെയും ഛത്രിപുരയിലെയും രണ്ട് ക്ഷേത്രങ്ങള് തകര്ക്കുകയും വിഗ്രഹം അശുദ്ധമാക്കുകയും ചെയ്തു. പ്രതിക്ക് മാനസികാസ്വാസ്ഥ്യമുണ്ട്. ഇയാളുടെ പിതാവ് ഒരു ചെറിയ ഹാര്ഡ് വെയര് കട നടത്തുന്നയാളാണ്. വിഷയം അതീവഗൗരവമുളളതാണ്. അതിനാല് അന്വേഷണം ഊര്ജ്ജിതമാക്കിയിട്ടുണ്ട്'- അഡീഷണല് ഡെപ്യൂട്ടി കമ്മീഷണര് പ്രശാന്ത് ചൗബെ പറഞ്ഞു.