‘ലൗ ജിഹാദ്’ എന്ന ആരോപണം തെറ്റാണെന്നും ഒരു സമുദായത്തെ മാത്രം ഒറ്റപ്പെടുത്തുന്ന തരത്തിലാണ് അതെന്നും എൻ എസ് എസ് ജനറൽ സെക്രട്ടറി ജി സുകുമാരൻ നായർ. ‘ലൗ ജിഹാദ്’ ഉണ്ടെന്ന് താൻ വിശ്വസിക്കുന്നില്ല. എല്ലാ മതങ്ങളിലുമുള്ളവർ തമ്മിൽ വിവാഹം കഴിക്കാറുണ്ട്. ഇത് ഒരു സമുദായത്തെ മാത്രം കുറ്റപ്പെടുത്തുന്ന തരത്തിലാകരുത്. ലൗ ജിഹാദ് ഉണ്ടെന്ന ക്രിസ്ത്യൻ വിഭാഗങ്ങളുടെ ആശങ്ക പങ്കുവെക്കുന്നുണ്ടോയെന്ന ചോദ്യത്തിന് മറുപടിയായാണ് അദ്ദേഹം ഇക്കാര്യങ്ങൾ പറഞ്ഞത്. ന്യൂ ഇന്ത്യൻ എക്സ്പ്രസിന് നൽകിയ അഭിമുഖത്തിലാണ് സുകുമാരൻ നായർ ‘ലൗ ജിഹാദ്’ സംബന്ധിച്ച നിലപാട് വ്യക്തമാക്കിയത്.
കഴിഞ്ഞ കുറച്ചു വര്ഷങ്ങളായി കേരളത്തില് പ്രതിപക്ഷംതന്നെ ഇല്ലന്നും വി. ഡി. സതീശനും രമേശ് ചെന്നിത്തലയും ഒരേ ചിറകുകളുള്ള പക്ഷികളാണെന്നും സുകുമാരൻ നായർ തുറന്നടിച്ചു. ശശി തരൂരിനെ താൻ ഡല്ഹി നായരെന്ന് വിളിച്ചു. അദ്ദേഹത്തിന്റെ പ്രവര്ത്തനവും അറിവും ലോകപരിചയവും ശരിക്കും അറിയാന് കഴിഞ്ഞപ്പോള് വിശ്വപൗരനാണ്, കേരളീയനാണെന്ന് ബോധ്യമായി എന്ന് അദ്ദേഹം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നിലവിലെ സംസ്ഥാന സര്ക്കാറിന്റെ പ്രവര്ത്തനങ്ങളില് നായര് സമൂഹം അസ്വസ്ഥരാണെന്നും എൻ എസ് എസ് ജനറൽ സെക്രട്ടറി പറയുന്നു. മന്നം ജയന്തി ഔദ്യോഗിക ഹോളിഡെ ആക്കാത്തതാണ് പ്രശനമെന്ന് അദ്ദേഹത്തിന്റെ വാക്കുകളില്നിന്നും വ്യക്തമാണ്. ബിജെപിക്ക് ഹിന്ദുക്കള്ക്ക് വേണ്ടി നിലകൊള്ളാന് സാധിക്കുമെന്ന് താന് വിശ്വസിക്കുന്നില്ലെന്നും അദ്ദേഹം പറഞ്ഞു.