തിരുവനന്തപുരം: ബിബിസി ഡോക്യുമെന്ററി വിഷയത്തില് അനില് കെ ആന്റണിയുടെ പരാമര്ശത്തെത്തുടര്ന്നുണ്ടായ വിവാദത്തില് പ്രതികരണവുമായി യുഡിഎഫ് കണ്വീനര് എം എം ഹസന്. അടയ്ക്ക ആയാല് മടിയില് വയ്ക്കാം, അടയ്ക്കാ മരമായാല് എന്തുചെയ്യാനാവും എന്നാണ് എം എം ഹസന് ചോദിക്കുന്നത്. അനില് കെ ആന്റണിയുടെ അഭിപ്രായപ്രകടനം നിര്ഭാഗ്യകരമാണെന്ന് അദ്ദേഹം പറഞ്ഞു.
'അനില് കെ ആന്റണിയുടെ അഭിപ്രായം വ്യക്തിപരമാണ്. അതിനോട് അസഹിഷ്ണുതയോടെ പ്രതികരിക്കേണ്ടതില്ല. പ്രവര്ത്തകരുടെ വികാരം മനസിലാക്കി അനില് പാര്ട്ടി പദവികള് രാജിവെച്ചു'- എം എം ഹസന് പറഞ്ഞു. അനില് ആന്റണി ബിജെപിയിലേക്ക് പോകുമെന്ന് താന് കരുതുന്നില്ലെന്നും അദ്ദേഹം കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ബിബിസി ഡോക്യുമെന്ററിക്കെതിരായ പരാമര്ശം വിവാദമായതിനുപിന്നാലെയാണ് അനില് കെ ആന്റണി കെപിസിസി ഡിജിറ്റല് മീഡിയാ കണ്വീനര്, എ ഐ സി സി ഡിജിറ്റല് മീഡിയാ കോര്ഡിനേറ്റര് സ്ഥാനങ്ങള് രാജിവെച്ചത്. അനിലിന്റെ രാജിയെ സ്വാഗതം ചെയ്തും കൂടുതല് നടപടി ആവശ്യപ്പെട്ടും യൂത്ത് കോണ്ഗ്രസ് നേതാക്കള് രംഗത്തെത്തുകയും ചെയ്തു. വിഷയത്തില് എ കെ ആന്റണി ഇതുവരെ പ്രതികരിച്ചിട്ടില്ല.