കോഴിക്കോട്: നടന് ഷൈന് ടോം ചാക്കോക്കെതിരെ രൂക്ഷവിമര്ശനവുമായി നടന് ഹരീഷ് പേരടി. ഷൈന് ടോം ചാക്കോ കഴിഞ്ഞ ദിവസം നടി സംയുക്തക്കെതിരെ വിമര്ശനമുന്നയിച്ച സാഹചര്യത്തിലാണ് ഹരീഷ് പേരടി രംഗത്തെത്തിയത്. ജോലി സംബന്ധമായ കരാറുകൾ തെറ്റിച്ചിട്ടുണ്ടെങ്കിൽ അതിനെ നിയമപരമായോ, തൊഴിൽ സംഘടനകളുമായി ചർച്ചചെയ്തോ ആണ് പരിഹരിക്കപെടേണ്ടതെന്ന് ഹരീഷ് പേരടി പറഞ്ഞു. അഭിനേത്രിയെ, ഒരു പെൺകുട്ടിയെ പൊതുസമൂഹത്തിനുമുന്നിൽ അവഹേളിച്ച് നികൃഷ്ടമായ ആൺ കോമാളിത്തം ഷൈന് പ്രദര്ശിപ്പിക്കരുതെന്ന് അദ്ദേഹം കൂട്ടിച്ചേര്ത്തു. ഫേസ്ബുക്കിലൂടെയാണ് ഹരീഷ് പേരടിയുടെ പ്രതികരണം.
'ജോലി സംബന്ധമായ കരാറുകൾ തെറ്റിച്ചിട്ടുണ്ടെങ്കിൽ അതിനെ നിയമപരമായോ, തൊഴിൽ സംഘടനകളുമായി ചർച്ചചെയ്തോ ആണ് പരിഹരിക്കപെടേണ്ടത്...അല്ലാതെ സ്വന്തം ജാതിവാൽ മുറിച്ചു കളഞ്ഞ് ധീരമായ നിലപാടെടുത്ത..സമൂഹത്തിന് മാതൃകയായ ഒരു അഭിനേത്രിയെ,ഒരു പെൺകുട്ടിയെ പൊതുസമൂഹത്തിനുമുന്നിൽ അവഹേളിച്ച്..നികൃഷ്ടമായ ആൺ കോമാളിത്തം പ്രദർശിപ്പിച്ചിട്ടല്ല...സംയുക്ത യുക്തി ബോധമുള്ള പെണ്ണാവുമ്പോൾ..ഷൈൻ..ഷൈനിങ്ങില്ലാത്ത വെറും ടോം ചാക്കോയെന്ന കേവലം ആൺ മാത്രമാകുന്നു..ഷൈൻ തിരുത്തുമെന്ന പ്രതീക്ഷയോടെ' - ഹരീഷ് പേരടി ഫേസ്ബുക്കില് കുറിച്ചു.
ബൂമറാങ് എന്ന സിനിമയുടെ പ്രൊമോഷന് പങ്കെടുക്കാത്തത്തിനെതിരെയാണ് നടി സംയുക്തയ്ക്കെതിരെ ഷൈന് ടോം ചാക്കോ വിമര്ശനം ഉന്നയിച്ചത്. പേരിനൊപ്പം ജാതിപ്പേര് ഉപയോഗിക്കില്ലെന്നു പറഞ്ഞ സംയുക്തയുടെ പ്രസ്താവനയെ അധികരിച്ചായിരുന്നു ഷൈൻ ടോം ചാക്കോയുടെ പ്രതികരണം. ‘എന്ത് മേനോന് ആയാലും നായരായാലും ക്രിസ്ത്യാനിയായാലും മുസ്ലിം ആയാലും ചെയ്ത ജോലി പൂര്ത്തിയാക്കാതെ എന്ത് കാര്യം. സഹകരിച്ചവര്ക്ക് മാത്രമേ നിലനില്പ്പ് ഉണ്ടായിട്ടുള്ളൂ' എന്നാണ് ഷൈന് ടോം ചാക്കോ പറഞ്ഞത്.