തെലങ്കാന: വനിതാ ദിനത്തോട് അനുബന്ധിച്ച് വനിതാ ജീവനക്കാര്ക്ക് അവധി പ്രഖ്യാപിച്ച് തെലങ്കാന സര്ക്കാര്. ഇതുസംബന്ധിച്ച് ജനറല് അഡ്മിനിസ്ട്രെഷന് വിഭാഗം പുറത്തിറക്കിയ ഉത്തരവില് ചീഫ് സെക്രട്ടറി എ ശാന്തി കുമാരി ഒപ്പുവെച്ചു. സര്ക്കാര് മേഖലകളിലും സ്വകാര്യ മേഖലയിലും പ്രവര്ത്തിക്കുന്ന എല്ലാ സ്ത്രീകള്ക്കും മാര്ച്ച് 8 - ന് അവധിയായിരിക്കുമെന്നാണ് ഉത്തരവില് പറയുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, വനിതാ ദിനത്തോട് അനുബന്ധിച്ച് ഒരാഴ്ച്ച നീളുന്ന ആഘോഷപരിപാടികള്ക്കാണ് തെലങ്കാന സര്ക്കാര് തുടക്കം കുറിച്ചിരിക്കുന്നത്. നഗര-ഗ്രാമ-തദ്ദേശ മേഖലകളിലെ വനിതാ ജനപ്രതിനിധികളെയും സ്വയം സഹായ സംഘങ്ങളിലെയും വിവിധ എന് ജി ഒ കളിലെയും സ്ത്രീകളുടെ പങ്കാളിത്തം പരിപാടിയില് ഉറപ്പുവരുത്തുമെന്ന് കെ ചന്ദ്രശേഖര റാവൂ പറഞ്ഞു. സ്ത്രീകളുടെ ആരോഗ്യം സംബന്ധിച്ചും ശാക്തീകരണം സംബന്ധിച്ചും വിവിധ സെമിനാറുകളും സംഘടിപ്പിച്ചിട്ടുണ്ട്.