ഡല്ഹി: കോണ്ഗ്രസ് എം പി കാര്ത്തി ചിദംബരത്തിന്റെ 11.04 കോടിയുടെ സ്വത്ത് ഇഡി കണ്ടുകെട്ടി. ഐ എന് എക്സ് കള്ളപ്പണ ഇടപാടുമായി ബന്ധപ്പെട്ടാണ് ഇഡിയുടെ നടപടി. കര്ണാടകയിലെ കൂര്ഗിലുള്ള സ്വത്ത് വകകള് അടക്കമാണ് ചൊവ്വാഴ്ച ഇഡി കണ്ടുകെട്ടിയത്. നാല് വസ്തുവകകളാണ് നിലവില് കണ്ടുകെട്ടിയിട്ടുള്ളത്. ഐഎന്എക്സ് മീഡിയ കമ്പനിക്ക് വിദേശ നിക്ഷേപം സ്വീകരിക്കുന്നതിന് യുപിഎ സര്ക്കാരിന്റെ കാലത്ത് പി ചിദംബരം ധനമന്ത്രിയായിരിക്കെ കാര്ത്തി ചിദംബരം കോഴവാങ്ങി ഇടപെടല് നടത്തിയെന്നാണ് കേസ്.
കേസുമായി ബന്ധപ്പെട്ട് കാര്ത്തി ചിദംബരത്തിന്റെ വസതിയിൽ നടത്തിയ റെയ്ഡിൽ ഐ.എൻ.എക്സ് മീഡിയ കമ്പനിയിൽ നിന്ന് വാങ്ങിയ 10 ലക്ഷം രൂപയുടെ വൗചര് സിബിഐക്ക് കിട്ടിയിരുന്നു. മൂന്നുകോടിയിലധികം രൂപയുടെ നേട്ടം ഈ ഇടപാടിൽ കാര്ത്തി ചിദംബരത്തിന് ഉണ്ടായതായും അന്വേഷണ സംഘം പറഞ്ഞു. അതേസമയം, കേന്ദ്രം തന്റെ കുടുംബത്തിന് നേരെ രാഷ്ട്രീയ പകപോക്കല് നടത്തുകയാണെന്ന് കാര്ത്തി ചിദംബരം മാധ്യമങ്ങളോട് പറഞ്ഞു. തമിഴ്നാട്ടിലെ ശിവഗംഗ മണ്ഡലത്തില് നിന്നുള്ള എംപിയാണ് കാര്ത്തി ചിദംബരം.