മുംബൈ: ബോളിവുഡ് താരങ്ങളായ അമിതാഭ് ബച്ചന്റെയും ഐശ്വര്യ റായിയുടെയും മകള് ആരാധ്യ ബച്ചനെതിരെ വ്യാജ വാര്ത്ത നല്കിയതിനെതിരെ കോടതിയെ സമീപിച്ച് കുടുംബം. ആരാധ്യയുടെ ആരോഗ്യനിലയേയും ജീവിതത്തെയും സംബന്ധിച്ച് പുറത്തുവന്ന വ്യാജവാര്ത്തക്കെതിരെയാണ് കുടുംബം ഹൈക്കോടതിയെ സമീപിച്ചത്. തന്റെ ആരോഗ്യത്തെക്കുറിച്ച് വ്യാജ വാർത്തകൾ റിപ്പോർട്ട് ചെയ്യുന്നുവെന്ന് കാണിച്ച് ആരാധ്യയാണ് ഹൈക്കോടതിയില് ഹര്ജി ഫയല് ചെയ്തിരിക്കുന്നതെന്ന് ദേശിയ മാധ്യമങ്ങള് റിപ്പോര്ട്ട് ചെയ്തു.
അതേസമയം, ഇത് ആദ്യമായിട്ടല്ല ആരാധ്യ വാര്ത്തകളില് ഇടം പിടിക്കുന്നത്. പലപ്പോഴും സാമൂഹിക മാധ്യമങ്ങളിലെ ട്രോളുകള്ക്കും 11 വയസുകാരിയായ ആരാധ്യ ഇരയാക്കപ്പെട്ടിട്ടുണ്ട്. ഇതിനെതിരെ അഭിഷേക് ബച്ചന് രംഗത്തെത്തിയിരുന്നു. മകളെ ട്രോളുകള്ക്ക് വിധേയമാക്കുന്നത് അംഗീകരിക്കാന് സാധിക്കില്ലെന്നും അത് തനിക്ക് താങ്ങാന് കഴിയുന്നതിനും അപ്പുറമാണെന്നും അദ്ദേഹം പറഞ്ഞിരുന്നു. സെലിബ്രിറ്റിയായതിനാൽ തന്നെ ലക്ഷ്യമിടുന്നതിനെ മനസിലാക്കാന് സാധിക്കും. പക്ഷെ മകളെ വലിച്ചിഴക്കുന്നത് അനാവശ്യമാണെന്നും ആരാധ്യയ്ക്ക് പ്രൈവസി ആവശ്യമാണെന്നും അഭിഷേക് ബച്ചന് വ്യക്തമാക്കിയിരുന്നു.