തിരുവനന്തപുരം: ഈ മാസം 25 പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്യുന്ന വന്ദേ ഭാരത് എക്സ്പ്രസിന്റെ ടിക്കറ്റ് നിരക്ക് റെയില് വേ പുറത്തുവിട്ടു. ഇതനുസരിച്ച് ഇന്ന് (ഞായര്) രാവിലെ 8 മണിമുതല് ബുക്കിംഗ് ആരംഭിച്ചു. ഐ ആര് സി ടി സി വെബ്സൈറ്റ് വഴിയോ മൊബൈല് ആപ്പ് വഴിയോ ഓണ് ലൈന് ടിക്കറ്റുകള് ബുക്ക് ചെയ്യാം. ഓഫ് ലൈനില് അതത് സ്റ്റേഷനുകളിലെ റിസര്വേഷന് കൗണ്ടര് വഴിയും ബുക്കിംഗ് നടത്താം.
ചെയര് കാര്, എക്സിക്യൂട്ടീവ് കോച്ച് എന്നീ വിഭാഗങ്ങളിലേക്ക് വ്യത്യസ്ത നിരക്കാണ്. ഏറ്റവും അടുത്ത സ്റ്റേഷനുകളായ തിരുവനന്തപുരം- കൊല്ലം ചെയര് കാറിന് 435 രൂപയാണ് നിരക്ക്. എന്നാല് കൊല്ലത്തേക്ക് എക്സിക്യൂട്ടീവ് കോച്ചിലാണ് യാത്ര ചെയ്യാന് ഉദ്ദേശിക്കുന്നത് എങ്കില് 820 രൂപ ടിക്കറ്റിനു കൊടുക്കണം. തിരുവനന്തപുരം -കാസര്കോട് ചെയര്കാറിന് 1590 രൂപയും എക്സിക്യൂട്ടീവ് കോച്ചിന് 2880 രൂപയുമാണ് നിരക്ക്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തിരുവനന്തപുരത്തുനിന്ന് കാസര്ഗോഡ് വരെയുള്ള ടിക്കറ്റ് നിരക്കുകള് ഇപ്രകാരമാണ്. തിരുവനന്തപുരം- കൊല്ലം ചെയര് കാര്- 435 രൂപ, എക്സിക്യൂട്ടീവ് കോച്ച്- 820 രൂപ. കോട്ടയം- 555, 1,075, എറണാകുളം നോർത്ത്– 765, 1,420, തൃശൂർ– 880, 1,650, ഷൊർണൂർ– 950, 1,775, കോഴിക്കോട്– 1,090, 2,060, കണ്ണൂർ– 1,260, 2,415, കാസർകോട്– 1,590, 2,880.
കാസര്ഗോട്ടുനിന്ന് തിരുവനന്തപുരം വരെയുള്ള നിരക്കുകള് താഴെ കാണുന്നത് പ്രകാരമാണ്. കണ്ണൂർ – 445, 840 കോഴിക്കോട്–625,1195 ഷൊർണൂർ– 775,1510 തൃശൂർ– 825, 1600 എറണാകുളം– 940, 1835 കോട്ടയം– 1250, 2270 കൊല്ലം– 1435, 2645 തിരുവനന്തപുരം– 1520, 2815. ചെയര് കാറില് ആകെ 914 സീറ്റുകളും എക്സിക്യൂട്ടീവ് കോച്ചില് 86 സീറ്റുകളുമാണ് ഉള്ളത്.