പേവിഷബാധയ്ക്കുളള വാക്‌സിന്‍: സൗജന്യം ബിപിഎല്ലുകാര്‍ക്ക് മാത്രം

തിരുവനന്തപുരം: പേവിഷബാധയ്ക്കുളള വാക്‌സിന്‍ ഇനിമുതല്‍ എല്ലാവര്‍ക്കും സൗജന്യമായി ലഭിക്കില്ല. സൗജന്യ വാക്‌സിന്‍ ബിപിഎല്ലുകാര്‍ക്കുമാത്രമായി പരിമിതപ്പെടുത്താനാണ് സര്‍ക്കാര്‍ നീക്കം. നിലവില്‍ തെരുവുനായ കടിച്ചാലും വളര്‍ത്തുമൃഗങ്ങള്‍ കടിച്ചാലും സര്‍ക്കാര്‍ ആശുപത്രികളില്‍ പേവിഷബാധ ചികിത്സ സൗജന്യമാണ്. എന്നാല്‍ ഇനിമുതല്‍ ഉയര്‍ന്ന വരുമാനമുളളവര്‍ക്ക് സൗജന്യമായി ചികിത്സ നല്‍കേണ്ടെന്നാണ് ആരോഗ്യവകുപ്പിന്റെ തീരുമാനം. വളര്‍ത്തുമൃഗങ്ങളില്‍നിന്ന് പേവിഷബാധയുണ്ടായി ചികിത്സ തേടുന്നവരില്‍നിന്ന് വാക്‌സിന്റെയും അനുബന്ധ മരുന്നുകളുടെയും പണം ഈടാക്കണമെന്ന് ആരോഗ്യവകുപ്പ് നിര്‍ദേശം മുന്നോട്ടുവെച്ചിട്ടുണ്ടെന്നും പേവിഷബാധ വാക്‌സിന്‍ ബിപിഎല്‍ കാര്‍ഡുളളവര്‍ക്കുമാത്രം സൗജന്യമായി നല്‍കുന്ന കാര്യം സര്‍ക്കാരിന്റെ പരിഗണനയിലുണ്ടെന്നും ആരോഗ്യമന്ത്രി വീണാ ജോര്‍ജ്ജ് പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

പേവിഷബാധയേറ്റ് ചികിത്സയ്‌ക്കെത്തുന്നവരില്‍ എഴുപത് ശതമാനവും ഉയര്‍ന്ന വരുമാനമുളളവരാണെന്നും ഏറെപ്പേരും വളര്‍ത്തുമൃഗങ്ങളുടെ കടിയേറ്റാണ് എത്തുന്നതെന്നും ആരോഗ്യവകുപ്പ് മെഡിക്കല്‍ കോളേജുകളില്‍ നടത്തിയ പഠനം വ്യക്തമാക്കുന്നു. അതേസമയം, ബിപിഎല്ലുകാരെ വളര്‍ത്തുമൃഗങ്ങള്‍ കടിച്ചാലും ചികിത്സ സൗജന്യമായി നല്‍കും. ഒരു വയലിന് 300 മുതല്‍ 350 രൂപ വരെ കൊടുത്താണ് ആന്റി റാബിസ് വാക്‌സിന്‍ മെഡിക്കല്‍ സര്‍വ്വീസ് കോര്‍പ്പറേഷന്‍ വാങ്ങുന്നത്. മുതിര്‍ന്ന ഒരാള്‍ക്ക് നാല് ഡോസ് വാക്‌സിനാണ് നല്‍കേണ്ടത്. 500 രൂപ വിലവരുന്ന റെഡിമെയ്ഡ് ആന്റിബോഡിയും സൗജന്യമായി നല്‍കുന്നുണ്ട്.

Contact the author

Web Desk

Recent Posts

Web Desk 1 hour ago
Keralam

സംസ്ഥാനത്ത് വൈദ്യുതി അപകടങ്ങൾ കൂടുന്നു; ഈ വര്‍ഷം ഇതുവരെ ജീവന്‍ നഷ്ടമായത് 121 പേര്‍ക്ക്

More
More
Web Desk 23 hours ago
Keralam

തട്ടം വേണ്ടെന്ന് പറയുന്ന കുട്ടികള്‍ മലപ്പുറത്തുണ്ടായതിനു കാരണം കമ്മ്യൂണിസ്റ്റ് പാര്‍ട്ടി- സിപിഎം നേതാവ് കെ അനില്‍ കുമാര്‍

More
More
Web Desk 1 day ago
Keralam

ലീഗിന് അധിക സീറ്റിന് അര്‍ഹതയുണ്ടെന്ന് കുഞ്ഞാലിക്കുട്ടി; സീറ്റ് ചോദിക്കുന്നതില്‍ തെറ്റില്ലെന്ന് കെ മുരളീധരന്‍

More
More
Web Desk 2 days ago
Keralam

ഇഡി നാളെ കോടിയേരിയുടെ പേരില്‍ കേസെടുത്താലും അത്ഭുതപ്പെടാനില്ല- എം വി ജയരാജന്‍

More
More
Web Desk 2 days ago
Keralam

'സാധനം' എന്ന പ്രയോഗം പിന്‍വലിക്കുന്നു, അന്തവും കുന്തവുമില്ലെന്ന് പറഞ്ഞുകൊണ്ടേയിരിക്കും- കെ എം ഷാജി

More
More
Web Desk 3 days ago
Keralam

ബിജെപിയുമായി സഖ്യമുളള പാര്‍ട്ടിക്ക് ഇടതുമുന്നണിയില്‍ തുടരാനാവില്ല; ജെഡിഎസിന് സിപിഎം മുന്നറിയിപ്പ്‌

More
More