തിരുവനന്തപുരം: സര്ക്കാര്- എസ് എഫ് ഐ വിരുദ്ധ ക്യാംപെയ്ന് നടത്തിയാല് ഇനിയും കേസെടുക്കുമെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. മാധ്യമത്തിന്റെ പേരുപറഞ്ഞ് ആര്ക്കും കേസില്നിന്ന് ഒഴിവാകാനാവില്ലെന്നും കേന്ദ്രത്തിന്റെ മാധ്യമവേട്ടയുമായി സംഭവത്തെ താരതമ്യം ചെയ്യേണ്ടതില്ലെന്നും എം വി ഗോവിന്ദന് പറഞ്ഞു. എസ് എഫ് ഐ സംസ്ഥാന സെക്രട്ടറി പി എം ആര്ഷോയുടെ പരാതിയില് ഏഷ്യാനെറ്റ് ന്യൂസ് റിപ്പോര്ട്ടര് അഖില നന്ദകുമാറിനെതിരെ കേസെടുത്തതിനോട് പ്രതികരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'ഗൂഢാലോചനയുടെ ഭാഗമായി പ്രവര്ത്തിച്ചവര്ക്കെതിരെ കേസെടുക്കണമെന്ന് മാധ്യമങ്ങള് തന്നെയാണ് ഇന്നലെ പറഞ്ഞത്. ഉടന് തന്നെ സര്ക്കാര് നടപടി സ്വീകരിച്ചു. കര്ശന നടപടിയെടുത്ത സര്ക്കാരിന് മാധ്യമങ്ങള് പിന്തുണ നല്കുകയാണ് വേണ്ടത്. മാധ്യമത്തിന്റെ പേരുപറഞ്ഞ് ആരെയും കേസില്നിന്ന് ഒഴിവാക്കാന് കഴിയില്ല. മാധ്യമങ്ങള്ക്ക് അവരുടേതായ സ്റ്റാന്ഡുണ്ട്. അതില് ഉറച്ചുനില്ക്കുകയാണ് വേണ്ടത്. അല്ലാതെ എസ് എഫ് ഐ- സര്ക്കാര് വിരുദ്ധ ക്യാംപെയ്നുകള് നടത്തുകയല്ല. ഇങ്ങനെ ക്യാംപെയ്ന് നടത്താന് ശ്രമിച്ചപ്പോള് നേരത്തെയും കേസെടുത്തിട്ടുണ്ട്. തെറ്റ് ചെയ്തെന്ന് കണ്ടാല് ആര്ക്കെതിരെയും കേസെടുക്കും'- എം വി ഗോവിന്ദന് പറഞ്ഞു.