പാലക്കാട്: മാധ്യമപ്രവര്‍ത്തകരെ ലക്ഷ്യമിടുന്നത് പാര്‍ട്ടിയുടെയോ ഇടതുസര്‍ക്കാരിന്റെയോ നയമല്ലെന്ന് സിപിഎം പൊളിറ്റ് ബ്യൂറോ അംഗം പ്രകാശ് കാരാട്ട്. മാധ്യമസ്വാതന്ത്ര്യത്തിന്റെ കാര്യത്തില്‍ സിപിഎമ്മിന് ഒരേനിലപാടാണെന്നും സര്‍ക്കാരിനെ വിമര്‍ശിച്ചതുകൊണ്ടു മാത്രം ആര്‍ക്കെതിരെയും കേസെടുക്കില്ലെന്നും പ്രകാശ് കാരാട്ട് പറഞ്ഞു. ഏഷ്യാനെറ്റ് ന്യൂസ് റിപ്പോര്‍ട്ടര്‍ക്കെതിരെ മറ്റെന്തെങ്കിലും കാരണങ്ങളുടെ അടിസ്ഥാനത്തിലാകാം കേസെടുത്തതെന്നും കേസിന്റെ വിശദാംശങ്ങള്‍ തനിക്കറിയില്ലെന്നും പ്രകാശ് കാരാട്ട് പറഞ്ഞു. പാലക്കാട്ട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'ജോലി ചെയ്യുന്നതിന്റെ പേരില്‍ മാധ്യമങ്ങളെ ഉന്നംവയ്ക്കുന്നത് പാര്‍ട്ടി നയമല്ല. ഞങ്ങളെ വിമര്‍ശിക്കുന്ന സാഹചര്യമുണ്ടായാലും സര്‍ക്കാരോ പാര്‍ട്ടിയോ മാധ്യമപ്രവര്‍ത്തകരെ ഉന്നംവയ്ക്കില്ല. കേരളത്തിലെ സംഭവത്തില്‍ പരാതിക്കാര്‍ സര്‍ക്കാരല്ല. ഒരു എസ് എഫ് ഐ നേതാവാണ്. കേസിന്റെ വിശദാംശങ്ങള്‍ അറിയില്ല'- പ്രകാശ് കാരാട്ട് പറഞ്ഞു. എസ് എഫ് ഐ സംസ്ഥാന സെക്രട്ടറി പിഎം ആര്‍ഷോയുടെ പരാതിയില്‍ മഹാരാജാസ് കോളേജിലെ മാര്‍ക്ക് ലിസ്റ്റ് വിവാദം റിപ്പോര്‍ട്ട് ചെയ്തതിനാണ് അഖില നന്ദകുമാറിനെതിരെ ഗൂഢാലോചനാക്കുറ്റം ചുമത്തി കേസെടുത്തത്.
