എസ് എഫ് ഐ നേതാക്കളുടെ വ്യാജ സര്‍ട്ടിഫിക്കറ്റ് വിവാദങ്ങളില്‍ പ്രതികരണവുമായി സി പി ഐ സംസ്ഥാന സെക്രട്ടറി കാനം രാജേന്ദ്രന്‍. സംഘടനാ നേതാക്കള്‍ പലരും മുന്‍പും ഇത്തരം ആരോപണങ്ങളിലൂടെ കടന്നുപോയിട്ടുണ്ടെന്നും അപ്പോഴെല്ലാം സംഘടനകള്‍ പരിശോധിച്ച് യുക്തമായ നടപടികള്‍ സ്വീകരിക്കുകയാണ് പതിവെന്നും കാനം രാജേന്ദ്രന്‍ പറഞ്ഞു. എസ് എഫ് ഐയുടെ പ്രവര്‍ത്തന ശൈലിയില്‍നിന്ന് ആരെങ്കിലും വ്യതിചലിച്ചിട്ടുണ്ടെങ്കില്‍, തിരുത്തല്‍ വേണമെങ്കില്‍ പാര്‍ട്ടി തന്നെ ഇടപെട്ട് തിരുത്തുമെന്നാണ് പ്രതീക്ഷയെന്നും അദ്ദേഹം മാധ്യമങ്ങളോട് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'കേരളത്തിലെ യൂണിവേഴ്‌സിറ്റികളുടെ ചരിത്രം നോക്കിയാല്‍ വിദ്യാര്‍ത്ഥി സംഘടനാ നേതാക്കന്മാര്‍ പലരും ഇത്തരം ആരോപണങ്ങളിലൂടെ കടന്നുപോയിട്ടുണ്ട്. അതൊക്കെ സ്വാഭാവികമായും ആ സംഘടനകള്‍ പരിശോധിച്ച് യുക്തമായ നടപടികള്‍ സ്വീകരിക്കുകയാണ് പതിവ്. ഇവിടെയും അത് ചെയ്യുമെന്നാണ് ഞാന്‍ പ്രതീക്ഷിക്കുന്നത്.
യൂണിവേഴ്‌സിറ്റികളുടെ കാര്യങ്ങളില്‍ സര്‍ക്കാരിന് അധികം ഇടപെടാന്‍ പറ്റില്ലല്ലോ. ഒരു ഇടതുപക്ഷ വിദ്യാര്‍ത്ഥി സംഘടന എന്ന നിലയില്‍ അവരുടെ പ്രവര്‍ത്തന ശൈലിയില്‍നിന്ന് ആരെങ്കിലും വ്യതിചലിച്ചിട്ടുണ്ടെങ്കില്‍ അവര്‍ നടപടിയെടുക്കും. അതിനുളള പരിപാടികള്‍ അവര്‍ തുടങ്ങിക്കഴിഞ്ഞു. തിരുത്തല്‍ വേണമെന്നുണ്ടെങ്കില്‍ പാര്‍ട്ടി തന്നെ ഇടപെട്ട് തിരുത്തുമെന്നാണ് എന്റെ പ്രതീക്ഷ'- കാനം രാജേന്ദ്രന്‍ കൂട്ടിച്ചേര്‍ത്തു.
