തിരുവനന്തപുരം: വലിയ പെരുന്നാള്‍ പ്രമാണിച്ച് നാളെയും മറ്റന്നാളും (ബുധന്‍, വ്യാഴം) സംസ്ഥാനത്ത് അവധി പ്രഖ്യാപിച്ചു. ഇന്ന് ചേര്‍ന്ന സംസ്ഥാന മന്ത്രിസഭാ യോഗമാണ് തീരുമാനം കൈക്കൊണ്ടത്. ബുധനാഴ്ച അവധിയാണെന്ന് നേരത്തെതന്നെ അറിയിച്ചിരുന്നു. എന്നാല്‍ സംസ്ഥാനത്ത് വ്യാഴാഴ്ചയാണ് പെരുന്നാള്‍ ആഘോഷിക്കുന്നത് എന്നതിനാല്‍ ഒരു ദിവസം കൂടി അവധി നല്‍കുകയായിരുന്നു.
ബുധനാഴ്ചത്തെ അവധി വ്യാഴാഴ്ചയിലേക്ക് മാറ്റിയാല്‍ മതി എന്നാണ് പൊതുഭരണ വകുപ്പിന്‍റെതായി സര്‍ക്കാരിന് ലഭിച്ച ശുപാര്‍ശ. എന്നാല്‍ ഇത് ആശയക്കുഴപ്പം സൃഷ്ടിക്കും എന്ന് വിലയിരുത്തിയ മന്ത്രിസഭ രണ്ടുദിവസവും പൊതു അവധി നല്‍കുകയായിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
വ്യാഴാഴ്ചകൂടി അവധി പ്രഖ്യാപിച്ചതോടെ അന്ന് നടത്താന്‍ നിശ്ചയിച്ച പരീക്ഷകള്‍ മാറ്റിവെച്ചു. സാങ്കേതിക വിദ്യാഭ്യാസ വകുപ്പില്‍ വര്‍ക്‌ഷോപ്പ് ഇന്‍സ്ട്രക്ടര്‍/ ഡെമോണ്‍സ്‌ട്രേറ്റര്‍/ ഇന്‍സ്ട്രക്ടര്‍ ഇന്‍ കംപ്യൂട്ടര്‍ എന്‍ജിനിയറിങ് (കാറ്റഗറി നമ്പര്‍ 680/2022), കേരള സംസ്ഥാന മലിനീകരണ നിയന്ത്രണ ബോര്‍ഡില്‍ അസിസ്റ്റന്റ് സയന്റിസ്റ്റ് (കാറ്റഗറി നമ്പര്‍ 582/2022 ) തസ്തികകളിലേക്ക് നടത്താനിരുന്ന പരീക്ഷകള്‍ തുടങ്ങിയവയാണ് മാറ്റിവെച്ചത്. മാറ്റിവെച്ച പരീക്ഷകള്‍ അടുത്തമാസം (ജൂലായ്) 19 ന് നടത്തുമെന്ന് പി എസ് സി അറിയിച്ചു.
