ഡല്ഹി: ഗവര്ണര് പദവി നിര്ത്തലാക്കണമെന്ന് ആവശ്യപ്പെട്ടുളള ബിനോയ് വിശ്വം എംപിയുടെ സ്വകാര്യബില്ലിന് രാജ്യസഭയില് അവതരണാനുമതി ലഭിച്ചു. അടുത്ത മാസം ബില്ല് രാജ്യസഭയില് അവതരിപ്പിക്കും. കൊളോണിയല് സംസ്കാരത്തിന്റെ ബാക്കിപത്രമാണ് ഗവര്ണര് പദവിയെന്നും ജനാധിപത്യസംവിധാനത്തില് ആ പദവി ആവശ്യമില്ലെന്നും സ്വകാര്യ ബില്ലില് പറയുന്നു.
ഗവര്ണര് പദവി സര്ക്കാരിന് ഭാരിച്ച ചെലവാണ് വരുത്തിവയ്ക്കുന്നതെന്നും ബില്ലില് പറയുന്നുണ്ട്. കേരളവും തമിഴ്നാടുമുള്പ്പെടെയുളള ബിജെപി ഇതര പാര്ട്ടികള് ഭരിക്കുന്ന സംസ്ഥാനങ്ങളില് സര്ക്കാരും ഗവര്ണറും തമ്മിലുളള പോര് രൂക്ഷമാകുന്നതിനിടെയാണ് ഗവര്ണര് പദവി നിര്ത്തലാക്കണമെന്ന സ്വകാര്യ ബില്ലിന് അവതരണാനുമതി ലഭിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഗവര്ണര് പദവി നിര്ത്തലാക്കണമെന്ന് ആവശ്യപ്പെട്ട് 2020-ല് ടിഎന് പ്രതാപന് എംപി ലോക്സഭയില് സ്വകാര്യ ബില് അവതരിപ്പിച്ചിരുന്നു.ഗവര്ണര്മാര് അധികാര ദുര്വിനിയോഗം നടത്തുകയാണ് എന്ന് ചൂണ്ടിക്കാണിച്ചായിരുന്നു ഇത്. ഭര്തൃബലാത്സംഗം ക്രിമിനല് കുറ്റമാക്കണമെന്ന ബില്ലിനും നരബലി ഉള്പ്പെടെയുളള അന്ധവിശ്വാസങ്ങള് നിരോധിക്കണമെന്നുമുളള സ്വകാര്യബില്ലിനും അവതരണാനുമതി ലഭിച്ചിട്ടുണ്ട്.