തിരുവനന്തപുരം: അന്തരിച്ച മുതിര്ന്ന സിപിഎം നേതാവും സി ഐ ടി യു സംസ്ഥാന പ്രസിഡന്റുമായ ആനത്തലവട്ടം ആനന്ദന്റെ മൃതദേഹം ഇന്ന് സംസ്കരിക്കും. വൈകുന്നേരം അഞ്ചുമണിയോടെ തൈക്കാട് ശാന്തികവാടത്തിലായിരിക്കും സംസ്കാരം. ചിറയിന്കീഴിലെ വീട്ടിലുളള മൃതദേഹം രാവിലെ 11 മണിക്ക് എകെജി സെന്ററില് പൊതുദര്ശനത്തിന് വയ്ക്കും. ഉച്ചയ്ക്ക് രണ്ടുമണിക്ക് തിരുവനന്തപുരത്തെ സി ഐ ടി യു സംസ്ഥാന കമ്മിറ്റി ഓഫീസിലും പൊതുദര്ശനമുണ്ടാകും. ഇന്നലെ വൈകുന്നേരമാണ് ആനത്തലവട്ടം ആനന്ദന് അന്തരിച്ചത്. 86 വയസായിരുന്നു. രോഗബാധയെത്തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലിരിക്കെയായിരുന്നു അന്ത്യം.
1937 ഏപ്രില് 22-ന് തിരുവനന്തപുരം ജില്ലയിലെ വര്ക്കല ചിലക്കൂരിലാണ് ആനത്തലവട്ടം ആനന്തന് ജനിച്ചത്. 1954-ല് ഒരണ കൂടുതല് കൂലിക്കുവേണ്ടി നടന്ന കയര് തൊഴിലാളി പണിമുടക്കിലൂടെയാണ് ആനന്ദന് പൊതുപ്രവര്ത്തന രംഗത്തെത്തുന്നത്. വര്ക്കലയിലെ ട്രാവന്കൂര് കയര് വര്ക്കേഴ്സ് യൂണിയന്റെ നേതൃത്വത്തിലായിരുന്നു സമരം. അടിയന്തരാവസ്ഥ കാലത്ത് ജയില്വാസം അനുഭവിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ട്രാവന്കൂര് തൊഴിലാളി യൂണിയന് ജനറല് സെക്രട്ടറി, 1972 മുതല് കയര് വര്ക്കേഴ്സ് സെന്റര് ജനറല് സെക്രട്ടറി എന്നീ നിലകളില് പ്രവര്ത്തിച്ചു. 12 വര്ഷത്തോളം കയര്ഫെഡിന്റെ പ്രസിഡന്റായിരുന്നു. മൂന്നുതവണ എംഎല്എയായിരുന്നു. 1987-ല് ആറ്റിങ്ങലില് നിന്നാണ് ആദ്യമായി നിയമസഭയിലെത്തുന്നത്. 2006 മുതല് 2011 വരെ ചീഫ് വിപ്പായിരുന്നു. കേന്ദ്രസര്ക്കാരിന്റെ കയര്മിത്ര പുരസ്കാരം, കയര് മില്ലനിയം പുരസ്കാരം, സംസ്ഥാന സര്ക്കാരിന്റെ കയര് അവാര്ഡ്, സി കേശവന് സ്മാരക പുരസ്കാരം, എന് ശ്രീകണ്ഠന് നായര് പുരസ്കാരം തുടങ്ങിയ അംഗീകാരങ്ങള് ലഭിച്ചിട്ടുണ്ട്.