പത്തനംതിട്ട: ശബരിമലയിലെ പ്രശ്‌നങ്ങള്‍ക്ക് ചൊവ്വാഴ്ച്ച രാത്രിയോടെ തന്നെ പരിഹാരമായെന്ന് ദേവസ്വം മന്ത്രി കെ രാധാകൃഷ്ണന്‍. തെരഞ്ഞെടുപ്പ് മുന്നില്‍കണ്ട് മുതലെടുപ്പിനായി പലരും പലതും പറയുമെന്നും ഒറ്റപ്പെട്ട സംഭവങ്ങള്‍ പെരുപ്പിച്ചുകാട്ടി ശബരിമലയെ മറ്റ് ആവശ്യങ്ങള്‍ക്കായി ഉപയോഗിക്കുന്ന സ്ഥിതിയുണ്ടെന്നും മന്ത്രി പറഞ്ഞു. എരുമേലിയിലെയും പമ്പയിലെയും നിലവിലെ ക്രമീകരണങ്ങള്‍ വിലയിരുത്തിയശേഷം നടന്ന അവലോകന യോഗത്തിനുശേഷമായിരുന്നു മന്ത്രിയുടെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'ശബരിമലയിലെ തിരക്ക് നിയന്ത്രിക്കുന്നതിന് ആവശ്യമായ ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്. തീര്‍ത്ഥാടകരുടെ തിരക്ക് വര്‍ധിക്കുന്നതിന് അനുസരിച്ച് ഉണ്ടാകുന്ന ബുദ്ധിമുട്ടുകള്‍ പരിഹരിക്കാന്‍ സര്‍ക്കാരും ദേവസ്വം ബോര്‍ഡും ശ്രമിക്കുന്നുണ്ട്. തിരക്ക് വര്‍ധിച്ചപ്പോള്‍ ദര്‍ശന സമയം ഒരു മണിക്കൂര്‍ കൂടി നീട്ടി. വെര്‍ച്ച്വല്‍ ക്യൂവിലും സ്‌പോട് രജിസ്‌ട്രേഷനിലും അനുവദിക്കുന്ന തീര്‍ത്ഥാടകരുടെ എണ്ണം കുറച്ചു'- മന്ത്രി പറഞ്ഞു.
'എല്ലാ സ്ഥലത്തും ശൗചാലയം, കുടിവെളളം, ലഘുഭക്ഷണം തുടങ്ങിയ ഒരുക്കി. കഴിഞ്ഞ വര്‍ഷത്തേക്കാള്‍ കെ എസ് ആര്‍ ടി സി ബസുകള്‍ ഇത്തവണ ഉണ്ട്. ആവശ്യമെങ്കില്‍ കൂടുതല്‍ ബസുകള്‍ അനുവദിക്കും'- അദ്ദേഹം കൂട്ടിച്ചേര്‍ത്തു.
