ഡല്ഹി: കോണ്ഗ്രസ് മുന് അധ്യക്ഷ സോണിയാ ഗാന്ധി രാജ്യസഭാ തെരഞ്ഞെടുപ്പില് മത്സരിക്കുമെന്ന് റിപ്പോര്ട്ട്. രാജസ്ഥാനില് നിന്ന് സോണിയയെ രാജ്യസഭയിലെത്തിക്കാനാണ് കോണ്ഗ്രസിന്റെ നീക്കം. സോണിയയുടെ സ്ഥാനാര്ത്ഥിത്വം ചര്ച്ച ചെയ്യുന്നതിനായി കോണ്ഗ്രസ് അധ്യക്ഷന് മല്ലികാര്ജ്ജുന് ഖാര്ഗെയുടെ വസതിയില് യോഗം ചേര്ന്നു. രണ്ടുദിവസത്തിനുളളില് സ്ഥാനാര്ത്ഥിത്വം സംബന്ധിച്ച പ്രഖ്യാപനമുണ്ടാകുമെന്നാണ് സൂചന.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആരോഗ്യപരമായ കാരണങ്ങളാലാണ് ലോക്സഭയിലേക്ക് മത്സരിക്കേണ്ടെന്ന തീരുമാനത്തില് സോണിയാ ഗാന്ധി എത്തിയതെന്നാണ് റിപ്പോര്ട്ട്. നിലവില് ഉത്തര്പ്രദേശിലെ റായ്ബറേലിയില് നിന്നുളള എംപിയാണ് സോണിയാ ഗാന്ധി. സോണിയ രാജ്യസഭയിലേക്ക് മത്സരിക്കുമ്പോള് പകരം റായ്ബറേലിയില് നിന്ന് മകളും എ ഐ സി സി ജനറല് സെക്രട്ടറിയുമായ പ്രിയങ്കാ ഗാന്ധിയെ മത്സരിപ്പിക്കും.
2006 മുതല് ലോക്സഭയില് റായ്ബറേലി മണ്ഡലത്തെ പ്രതിനിധീകരിക്കുന്നത് സോണിയാ ഗാന്ധിയാണ്. കഴിഞ്ഞ ലോക്സഭാ തെരഞ്ഞെടുപ്പില് കോണ്ഗ്രസ് ഉത്തര്പ്രദേശില് ജയിച്ച ഏക മണ്ഡലം കൂടിയാണ് റായ്ബറേലി.