ശ്രീനഗര്: ജമ്മു കശ്മീരില് ലോക്കോ പൈലറ്റില്ലാതെ ട്രെയിന് 70 കിലോമീറ്റര് ഓടിയതായി റിപ്പോര്ട്ട്. ജമ്മുവിലെ കത്വ സ്റ്റേഷനില് നിര്ത്തിയിട്ടിരുന്ന ചരക്ക് ട്രെയിനാണ് മണിക്കൂറില് 100 കിലോമീറ്റര് വേഗതയില് കുതിച്ചത്. റെയില്വേ അധികൃതരുടെ ശ്രമഫലമായി ട്രെയിന് പഞ്ചാബിലെ മുകേരിയനില് വെച്ച് നിര്ത്താന് സാധിച്ചു. തലനാരിഴയ്ക്ക് വന് ദുരന്തമാണ് ഒഴിവായത്. സംഭവത്തില് അന്വേഷണം ആരംഭിച്ചതായി ജമ്മു ഡിവിഷണല് ട്രാഫിക് മാനേജര് അറിയിച്ചു. ട്രെയിന് ലോക്കോ പൈലറ്റില്ലാതെ സഞ്ചരിക്കുന്നതിന്റെ വീഡിയോ സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ന് (ഞായറാഴ്ച്ച) രാവിലെ 7.10 ഓടെയായിരുന്നു സംഭവം. ജമ്മുവിലെ കത്വയില് നിര്ത്തിയിട്ട 14806R എന്ന ട്രെയിനാണ് ലോക്കോ പൈലറ്റില്ലാതെ ഓടിയത്. ലോക്കോ പൈലറ്റ് ഹാന്ഡ് ബ്രേക്കിടാതെ ചായ കുടിക്കാനായി ട്രെയിനില് നിന്നും ഇറങ്ങി. അതിനിടെ ട്രെയിന് നീങ്ങുകയായിരുന്നു. റെയില്വേ ഉദ്യോഗസ്ഥരുടെ സമയോചിതമായ ഇടപെടല് മൂലം വന് ദുരന്തമാണ് ഒഴിവായത്. സംഭവത്തില് ഇതുവരെ ആളപായമൊന്നും റിപ്പോര്ട്ട് ചെയ്തിട്ടില്ല. ലോക്കോ പൈലറ്റിനെതിരെ ഇതുവരെ നടപടിയൊന്നും എടുത്തിട്ടില്ല.