ഇന്ന് ലോക അമിതവണ്ണദിനമാണ്. മിക്കവരും അഭിമുഖീകരിക്കുന്ന പ്രശ്നമാണ് പൊണ്ണത്തടി. അമിത വണ്ണം പ്രതിരോധിക്കാനുള്ള മാര്ഗങ്ങളെക്കുറിച്ച് അവബോധം വളർത്തുന്നതിനാണ് ഈ ദിനം ആചരിക്കുന്നത്. 2015 മുതലാണ് വേൾഡ് ഒബിസിറ്റി ഫെഡറേഷൻ ലോക പൊണ്ണത്തടി ദിനം ആഘോഷിക്കാനാരംഭിച്ചത്. അമിതവണ്ണം ഉള്ളവരില് പ്രമേഹം, രക്തസമ്മര്ദ്ദം, കൊളസ്ട്രോൾ എന്നിവയ്ക്ക് സാധ്യത കൂടുതലാണ്.
'മാറുന്ന കാഴ്ചപ്പാടുകൾ: പൊണ്ണത്തടിയെ കുറിച്ച് സംസാരിക്കാം' എന്നതാണ് ഈ വര്ഷത്തെ പ്രമേയം. ഹൃദയ സംബന്ധമായ അസുഖങ്ങൾ, പ്രമേഹം, മസ്കുലോസ്കലെറ്റൽ ഡിസോർഡേഴ്സ് എന്നീ അസുഖങ്ങളുടെ പ്രധാന കാരണം അമിതവണ്ണമാണ്. കൂടാതെ എൻഡോമെട്രിയൽ, സ്തനങ്ങൾ, അണ്ഡാശയം, പ്രോസ്റ്റേറ്റ്, കരൾ, പിത്തസഞ്ചി, വൃക്ക, വൻകുടൽ കാൻസർ എന്നിങ്ങനെ വിവിധ അർബുദങ്ങള്ക്കും പൊണ്ണത്തടി കാരണമാണ്.
പൊണ്ണത്തടി തടയാന് മികച്ച മാര്ഗ്ഗങ്ങളിലൊന്നാണ് ആരോഗ്യപരമായ ഭക്ഷണക്രമം ഉണ്ടാകുക എന്നത്. ഭക്ഷണത്തില് കൂടുതലായും പഴം, പച്ചക്കറി, ധാന്യങ്ങൾ, പ്രോട്ടീനുകൾ എന്നിവ ഉള്പ്പെടുത്തുക. ഇതോടെപ്പം കൃത്യമായ വ്യായാമം പിന്തുടരുക, ആവശ്യത്തിന് ഉറങ്ങുക, വിട്ടുമാറാത്ത സമ്മർദ്ദവും ശരീരഭാരം വർദ്ധിപ്പിക്കാന് ഇടയാക്കും.