കുടിയേറ്റ തൊഴിലാളികള്‍ക്കായി മെയ് ഒന്ന് മുതല്‍ കേന്ദ്രം ഏര്‍പ്പെടുത്തിയ ശ്രമിക് സ്പെഷ്യല്‍ ട്രെയിനുകളുടെ പ്രവര്‍ത്തനത്തിനിടെ 110 ഓളം കുടിയേറ്റക്കാര്‍ റെയില്‍വേ പരിസരത്ത് മരിച്ചതായി കണക്കുകള്‍. 4611 ഓളം ശ്രമിക് ട്രെയിനുകളിലായി 63.07 ലക്ഷം കുടിയേറ്റക്കാര്‍ എത്തിയ സംസ്ഥാനങ്ങളില്‍ നിന്നുള്ള കണക്കുകള്‍ പ്രകാരം 110 ഓളം പേര്‍ പല കാരണങ്ങളാല്‍, ഒരു പക്ഷേ മുമ്പുണ്ടായിരുന്ന രോഗങ്ങള്‍ കാരണം അല്ലെങ്കില്‍ കോവിഡ് -19 കാരണമായി, മരിച്ചതായി പറയപ്പെടുന്നു. രണ്ട് മൃതദേഹങ്ങള്‍ റെയില്‍വേ ട്രാക്കുകളില്‍ കണ്ടെത്തിയതിനാല്‍ ഈ രണ്ട് മരണങ്ങള്‍ കണക്കിലെടുത്തിട്ടില്ല.
ഈ മരണങ്ങളൊന്നും റെയില്‍വേ പരിസരത്ത് ഭക്ഷണമോ വെള്ളമോ ലഭിക്കാത്തതുമായി ബന്ധിപ്പെടുത്താനാവില്ലെന്ന്, സുപ്രീം കോടതിയില്‍ നടന്ന ഒരു കേസ് ഉള്‍പ്പെടെ, വിവിധ ഔദോഗിക ഫോറങ്ങളില്‍ സര്‍ക്കാര്‍ വാദിച്ചു. ശ്രമിക് പ്രത്യേക ട്രെയിനുകളില്‍ കുടിയേറ്റക്കാര്‍ക്ക് ഭക്ഷണവും വെള്ളവും സൗജന്യമായി നല്‍കുന്നുണ്ട്.
2019 ലെ കണക്കുകള്‍ പ്രകാരം ശ്രമിക് ട്രെയിനുകളുടെ ഓപ്പറേഷന്‍ സമയത്ത് പ്രതിദിനം ശരാശരി 75 പേര്‍ റെയില്‍വേ പരിസരത്ത് മരിക്കുന്നുണ്ടെന്ന് കണക്കുകളുണ്ട്. റെയില്‍വേ ട്രാക്കുകളില്‍ അതിക്രമിച്ചുള്ള കയറ്റം, സ്വഭാവിക കാരണങ്ങള്‍, ട്രെയിനുകളില്‍ നിന്ന് വീഴുക, ചലിക്കുന്ന ട്രെയിനുകളില്‍ നിന്ന് ചാഞ്ഞുനില്‍ക്കുമ്പോള്‍ തൂണുകളില്‍ ഇടിക്കുക തുടങ്ങിയ കാരണങ്ങളാല്‍ ആണ് മിക്കവരും മരണപ്പെട്ടത്. സാധാരണഗതിയില്‍ അതത് സംസ്ഥാനങ്ങളിലെ സര്‍ക്കാര്‍ റെയില്‍വേ പോലീസ് ആണ് ഈ വിവരങ്ങള്‍ ശേഖരിക്കുന്നത്. 2019 ല്‍ ട്രെയിന്‍ അപകടത്തില്‍ പെട്ട് ആരും മരണപ്പെട്ടിട്ടില്ല.
