ശസ്ത്രക്രിയയെ തുടർന്ന് ഗുരതരാവസ്ഥിലുള്ള മുൻ രാഷ്ട്രപതി പ്രണബ്കുമാർ മുഖർജിയുടെ ആരോഗ്യ നിലയിൽ പുരോഗതിയുണ്ടെന്ന് മകൻ അഭിജിത്ത് മുഖർജി. ട്വിറ്ററിലൂടെയാണ് അഭിജിത്ത് പ്രണബിന്റെ ആരോഗ്യ നിലയെപ്പറ്റി വിവരങ്ങൾ പുറത്തുവിട്ടത്. പിതാവിന്റെ ശാരീരിക പ്രവർത്തനങ്ങൾ നിയന്ത്രണത്തിലാണെന്നും, ഏവരുടെയും പ്രർത്ഥനയുടെയും ഡോക്ർമാരുടെ പരിശ്രമങ്ങളുടെയും ഫലമായി പിതാവിന്റെ ആരോഗ്യ നിലയിൽ പുരോഗതിയുണ്ടെന്ന് അഭിജിത്ത് അറിയിച്ചു. രോഗമുക്തിക്കായി എല്ലാവരും പ്രാർത്ഥിക്കണമെന്നും അദ്ദേഹം ട്വിറ്ററിൽ കുറിച്ചു.
തലച്ചോറിൽ രക്തം കട്ട പിടിച്ചതിനെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. രക്തം കട്ട പിടിച്ചത് ശസ്ത്രക്രിയയിലൂടെ വിജയകരമായി നീക്കിയിരുന്നു. തുടർന്ന് വെന്റിലേറ്ററിലേക്ക് മാറ്റിയെങ്കിലും ആരോഗ്യനില വഷളാവുകയായിരുന്നു.
ശസ്ത്രക്രിയക്ക് മുന്നോടിയായി നടത്തിയ പരിശോധനയിൽ പ്രണബ് മുഖർജിക്ക് കോവിഡും സ്ഥിരീകരിച്ചിരുന്നു. വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തുന്നത്.